મલાઇકાએ વધુ એક પ્રૉપર્ટી રેન્ટ પર આપી

મહિનાના દોઢ લાખ રૂપિયાના ભાડે તેણે પાલી હિલનું ઘર એક ડિઝાઇનરને આપ્યું

મલાઇકા અરોરા

મલાઇકા અરોરાએ તેની વધુ એક પ્રૉપર્ટી રેન્ટ પર આપી છે. બાંદરાના પાલી હિલમાં આવેલો તેનો આ અપાર્ટમેન્ટ ડિઝાઇનર કશિશ હંસને તેણે ભાડા પર આપ્યો છે. આ અપાર્ટમેન્ટ માટે ત્રણ વર્ષનો કૉન્ટ્રૅક્ટ કરવામાં આવ્યો છે અને એ માટે ૪.૫ લાખ રૂપિયાની ડિપોઝિટ પણ આપવામાં આવી છે. દર વર્ષે પાંચ ટકા રેન્ટમાં વધારો કરવામાં આવશે. તેમની વચ્ચે આ ડીલ ૨૯ એપ્રિલે થઈ હતી. મલાઇકાની મુંબઈમાં ઘણી પ્રૉપર્ટી છે. તેણે ૨૦૨૨માં ચાર વર્ષના કૉન્ટ્રૅક્ટ પર બાંદરામાં આવેલું તેનું અન્ય એક ઘર ભાડે આપ્યું હતું. આ ઘરનું ભાડું એ સમયે મહિને ૧.૨૦ લાખ રૂપિયા રાખવામાં આવ્યું હતું. મલાઇકા હાલમાં બાંદરામાં આવેલા તેના જે ઘરમાં રહે છે એની કિંમત ૧૪.૫૦ કરોડ રૂપિયા છે.