બાંધણીની સાડી અને સોનાનાં ઘરેણાં પહેરીને કંગના રનૌતે કરી દિવાળીની ઉજવણી

દિવાળીના પર્વની ઉજવણી વખતે કંગનાએ ફૅશન-ડિઝાઇનર નીતા લુલ્લાની ડિઝાઇન કરેલી આકર્ષક મરૂન રંગની બાંધણીની સાડી પહેરી હતી. આ પરંપરાગત પોશાકની સાથે કંગનાએ સોનાનાં ભવ્ય ઘરેણાં પહેર્યાં હતાં.

બાંધણીની સાડીમાં કંગના રનૌત

ટીવી-ઍક્ટ્રેસ અને સંસદસભ્ય કંગના રનૌતે આ વર્ષની પોતાની દિવાળીની ઉજવણીનો એક વિડિયો સોશ્યલ મીડિયા પર શૅર કર્યો હતો. આ સાથે તેણે પોતાના ચાહકોને દિવાળીની શુભેચ્છા પાઠવતો હૃદયસ્પર્શી સંદેશ પણ લખ્યો હતો. કંગનાએ આ વિડિયોની  કૅપ્શનમાં લખ્યું હતું કે ‘તમે જીવનની સાચી અને કાયમી સુંદરતાને અનુભવો. પ્રકાશનું આ પર્વ તમારા જીવનમાં આનંદ, સમૃદ્ધિ, પ્રેમ અને કૃતજ્ઞતા લઈને આવે. તમને સૌને દિવાળીની હાર્દિક શુભેચ્છાઓ.’
દિવાળીના પર્વની ઉજવણી વખતે કંગનાએ ફૅશન-ડિઝાઇનર નીતા લુલ્લાની ડિઝાઇન કરેલી આકર્ષક મરૂન રંગની બાંધણીની સાડી પહેરી હતી. આ પરંપરાગત પોશાકની સાથે કંગનાએ સોનાનાં ભવ્ય ઘરેણાં પહેર્યાં હતાં. તેણે નેકલેસ, મૅચિંગ ઇઅર-રિંગ્સ, નાજુક સોનાનો માંગટીકો અને સોનાની બંગડીઓ પહેરી હતી. તમામ ઘરેણાં એકબીજાં સાથે સુમેળ સાધતાં હતાં અને તેના લુકને વધુ ભવ્ય બનાવતાં હતાં.