હું મોટા ભાગે ફિલ્મ અવૉર્ડ્‌સમાં નથી જતો: વિવેક અગ્નિહોત્રી

વિવેક અગ્નિહોત્રીનું કહેવું છે કે તે મોટા ભાગે ફિલ્મ અવૉર્ડ્સમાં નથી જતો.

વિવેક અગ્નિહોત્રી

વિવેક અગ્નિહોત્રીનું કહેવું છે કે તે મોટા ભાગે ફિલ્મ અવૉર્ડ્સમાં નથી જતો. વિવેક અગ્નિહોત્રીની ‘ધ કશ્મીર ફાઇલ્સ’ને હાલમાં જ ગોલ્ડન ફિલ્મ ઑફ ઇન્ડિયન સિનેમાનો અવૉર્ડ મળ્યો છે. સ્ટાર પ્લસના ઇન્ડિયન ટેલિવિઝન ઍકૅડેમી અવૉર્ડ્સ (ITA)માં ‘ધ કશ્મીર ફાઇલ્સ’ને આ અવૉર્ડ આપવામાં આવ્યો છે. વિવેક અગ્નિહોત્રી અને કંગના રનોટે અગાઉ ઘણી વાર કહ્યું છે કે તેઓ અવૉર્ડ્સમાં નહીં જાય. જોકે વિવેક અગ્નિહોત્રીએ આ અવૉર્ડમાં હાજરી આપી છે. આ વિશે વિવેક અગ્નિહોત્રીએ કહ્યું હતું કે ‘ખૂબ જ સારું લાગી રહ્યું છે. આ વર્ષનો આ મેજર અવૉર્ડ્સમાંનો એક છે. હું મોટા ભાગે ફિલ્મ અવૉર્ડ્સમાં નથી જતો, પરંતુ આ એક અપવાદ છે; કારણ કે આ અવૉર્ડ મારા માટે ખૂબ જ સ્પેશ્યલ હોય એવા તરફથી મળી રહ્યો છે. મારી અને ITAની જર્ની સાથે જ શરૂ થઈ હતી અને એથી જ હું ખૂબ જ ખુશ છું.’