04 December, 2022 11:41 AM IST | Jeddah | Gujarati Mid-day Correspondent
સાઉદી અરેબિયામાં બૉલીવુડનો દબદબો
સાઉદી અરેબિયાના જેદ્દાહમાં આયોજિત ‘રેડ સી ઇન્ટરનૅશનલ ફિલ્મ ફેસ્ટિવલ’માં બૉલીવુડની અનેક સેલિબ્રિટીઝે હાજર આપી છે. કરીના કપૂર ખાન તેના હસબન્ડ સૈફ અલી ખાન સાથે આ ફેસ્ટિવલમાં પહોંચી ગઈ હતી. હાથમાં હાથ નાખીને તેઓ શાહી અંદાજમાં હાજર રહ્યાં હતાં. આ ફેસ્ટિવલની ઓપનિંગ સેરેમનીમાં શાહરુખ ખાન, કાજોલ, એ. આર. રહમાન અને પ્રિયંકા ચોપડા જોનસ પણ સામેલ હતી. સોનમ કપૂર આહુજા રેડ કાર્પેટ પર રેડ આઉટફિટ પહેરીને વૉક કરતી જોવા મળી હતી. પ્રિયંકા રેડ કાર્પેટ પર યલો સેટિન ગાઉનમાં પહોંચી હતી. બૉલીવુડની હાજરીએ ઇવેન્ટમાં ચાર ચાંદ લગાવી દીધા હતા.