સિંઘમ અગેઇન માટે અજય દેવગનને મળ્યા ૩૫ કરોડ રૂપિયા

સેકન્ડ હાઇએસ્ટ અક્ષય કુમારને, નાનકડા રોલ માટે ૨૦ કરોડ

`સિંઘમ અગેઇન’

‘સિંઘમ અગેઇન’ બૉક્સ-ઑફિસ પર કરોડો રૂપિયા કમાઈ છે ત્યારે આ ફિલ્મ માટે કોણે કેટલા પૈસા લીધા એના આંકડા સામે આવ્યા છે. અજય દેવગને આ ફિલ્મ માટે સૌથી વધુ ૩૫ કરોડ લીધા છે, જ્યારે કરીના કપૂરને અને રણવીર સિંહને ૧૦-૧૦ કરોડ રૂપિયા મળ્યા છે. અક્ષય કુમારને તેના સ્પેશ્યલ અપિઅરન્સ માટે ૨૦ કરોડ રૂપિયા ચૂકવાયા છે. દીપિકા પાદુકોણ અને અર્જુન કપૂરને છ-છ કરોડ તથા ટાઇગર શ્રોફને ૩ કરોડ રૂપિયા મળ્યા છે. 

અજય દેવગનનો ટાઇમપાસ : રણવીરનો બકવાસ, કરીનાની ગૉસિપ

‘સિંઘમ અગેઇન’માં ઘણા બધા સ્ટાર્સનો શંભુમેળો જામ્યો છે. અજય દેવગનને જ્યારે પૂછવામાં આવ્યું કે આટલા બધા ઍક્ટરો સાથે કામ કરવાનો અનુભવ કેવો રહ્યો ત્યારે તેણે કહ્યું હતું કે રણવીર તમને આખો વખત કંઈ પણ બકવાસ કરીને બિઝી રાખે અને કરીના પાસે ફિલ્મ-ઇન્ડસ્ટ્રીની તમામ ગૉસિપ હોય.

રોહિત શેટ્ટી અને અજય દેવગન હવે લાવશે ગોલમાલ 5

‘સિંઘમ અગેઇન’માં ધમાલ મચાવ્યા પછી રોહિત શેટ્ટી અને અજય દેવગન હવે ‘ગોલમાલ 5’ની તૈયારીમાં લાગી ગયા છે. રોહિત શેટ્ટીએ તાજેતરમાં કહ્યું હતું કે જલદી જ આ ફિલ્મનું શૂટિંગ શરૂ કરવામાં આવશે.