નવેમ્બરમાં ૧૫ દિવસ બૅન્કો બંધ

પ્રતીકાત્મક તસવીર

નવેમ્બર મહિનામાં દેશના વિવિધ ભાગોમાં ૧૫ દિવસ સુધી બૅન્ક હૉલિડે હશે. નવેમ્બરમાં બે શનિવાર અને ચાર રવિવારના કારણે બૅન્કોમાં કુલ ૬ સાપ્તાહિક રજા રહેશે. આ ઉપરાંત તહેવારોને કારણે વિવિધ ભાગોમાં વધુ ૯ દિવસ બૅન્કો બંધ રહેશે.

નવેમ્બરમાં દરેક બે દિવસની બે સાપ્તાહિક રજા છે, જેમાં ૧૧ અને ૧૨ નવેમ્બરે બીજો શનિવાર અને રવિવારના કારણે અને ૨૫ અને ૨૬ નવેમ્બરે ચોથો શનિવાર અને રવિવારના કારણે દેશભરમાં બૅન્કો બંધ રહેશે.

૨૭ નવેમ્બરે ગુરુ નાનક જયંતી અને કાર્તિક પૂર્ણિમાના કારણે ૧૨ સ્થળો સિવાય દેશભરમાં બૅન્કો બંધ રહેશે. એથી આ સમયગાળા દરમ્યાન જો કોઈ મહત્ત્વપૂર્ણ કાર્ય હોય તો એને પૂર્ણ કરો. જો એ ચૂકી જાય તો તમારું કાર્ય અટકી શકે છે.