IPL મેગા ઑક્શનમાં અનસોલ્ડ રહેલા મયંક અગ્રવાલે હૅટ-ટ્રિક સેન્ચુરી ફટકારી

પંજાબ સામે અણનમ ૧૩૯ અને અરુણાચલ સામે અણનમ ૧૦૦ રન કર્યા બાદ હૈદરાબાદ સામે પણ પણ ૧૨૪ રન કર્યા

મયંક અગ્રવાલ

અમદાવાદમાં ગઈ કાલે વિજય હઝારે ટ્રોફીમાં હૈદરાબાદ સામે કર્ણાટકની ટીમનો ૩ વિકેટે વિજય થયો હતો. પહેલાં બૅટિંગ કરતાં હૈદરાબાદે ૮ વિકેટે ૩૨૦ રનનો ટાર્ગેટ આપ્યો હતો, જવાબમાં કર્ણાટકની ટીમે શાનદાર બૅટિંગ કરીને ૭ વિકેટે ૪૯.૪ ઓવરમાં ૩૨૨ રન કરીને જીત નોંધાવી હતી. પાંચ મૅચમાં એક હાર અને ચાર જીત સાથે આ ટીમ ગ્રુપ Cમાં પહેલા ક્રમે છે.

કૅપ્ટન મયંગ અગ્રવાલે કર્ણાટકની જીતમાં મોટી ભૂમિકા ભજવી છે. તેણે હૈદરાબાદ સામે ૧૧૨ બૉલમાં ૧૨૪ રન કર્યા હતા. વિજય હઝારે ટ્રોફીમાં આ તેની સળંગ ત્રીજી સેન્ચુરી હતી. આ પહેલાં તેણે પંજાબ અને અરુણાચલ પ્રદેશ સામે પણ સેન્ચુરી ફટકારી હતી. હૅટ-ટ્રિક સેન્ચુરી સાથે તેણે વન-ડે ફૉર્મેટના ચૅમ્પિયન્સ ટ્રોફી માટે ભારતીય ટીમમાં પોતાની દાવેદારી નોંધાવી છે. એક કરોડની બેઝ પ્રાઇસવાળો આ પ્લેયર IPL મેગા ઑક્શનમાં અનસોલ્ડ રહ્યો હતો. તે છેલ્લે હૈદરાબાદ માટે બે સીઝન રમ્યો હતો.  

મયંક અગ્રવાલની હૅટ-ટ્રિક સેન્ચુરી
૨૬ ડિસેમ્બર	૧૨૭  બૉલમાં ૧૩૯ રન
૨૮ ડિસેમ્બર	૪૫ બૉલમાં ૧૦૦ રન
૩૧ ડિસેમ્બર	૧૧૨ બૉલમાં ૧૨૪ રન