૧૧ કરોડના ગ્લેન મૅક્સવેલના સીઝનમાં માત્ર બાવન રન

IPLમાં સૌથી વધુ ૧૮ વખત શૂન્ય પર આઉટ થવામાં દિનેશ કાર્તિકની કરી બરાબરી

ગ્લેન મૅક્સવેલ

૩૬ વર્ષનો ઑસ્ટ્રેલિયન ઑલરાઉન્ડર ગ્લેન મૅક્સવેલ એલિમિનેટર મૅચમાં ખરાબ બૅટિંગ અને ફીલ્ડિંગને કારણે ટ્રોલ થઈ રહ્યો છે. ૧૧ કરોડના આ ખેલાડીએ વર્તમાન સીઝનમાં રૉયલ ચૅલેન્જર્સ બેન્ગલુરુ માટે ૧૦ મૅચમાં બાવન રન ફટકારીને ૬ વિકેટ લીધી છે. સીઝનની મધ્યમાં તેણે ઈજાને કારણે ટુર્નામેન્ટમાંથી બ્રેક લીધો હતો. છેલ્લી ચાર સીઝનમાં બૅન્ગલોર માટે આ તેનું સૌથી કંગાળ પ્રદર્શન રહ્યું. તેણે વર્તમાન સીઝનમાં ચોથી વખત શૂન્ય પર આઉટ થઈને ટુર્નામેન્ટમાં ઇતિહાસમાં સૌથી વધુ ૧૮મી વખત શૂન્ય પર આઉટ થવામાં દિનેશ કાર્તિકની બરાબરી કરી હતી. તેના આ પ્રદર્શનને જોતાં તેને આગામી સીઝન માટે બૅન્ગલોર ફ્રૅન્ચાઇઝી રિટેન કરશે કે નહીં એ ચર્ચાનો વિષય બની ગયો છે. 

સીઝનમાં ગ્લેન મૅક્સવેલનું પ્રદર્શન
સીઝન	રન	વિકેટ
૨૦૨૧	૫૧૩	૩
૨૦૨૨	૩૦૧	૬
૨૦૨૩	૪૦૦	૩
૨૦૨૪	૫૨	૬

32

આટલામી વખત T20 ક્રિકેટમાં શૂન્ય પર આઉટ થયો ઑસ્ટ્રેલિયાનો ઑલ રાઉન્ડર ગ્લેન મૅક્સવેલ.