22 March, 2026 07:32 AM IST | Bengaluru | Gujarati Mid-day Correspondent
વિરાટ કોહલી
ડિફેન્ડિંગ ચૅમ્પિયન રૉયલ ચૅલેન્જર્સ બેન્ગલુરુએ એમ. ચિન્નાસ્વામી સ્ટેડિયમમાં IPL 2026 માટે તૈયારી શરૂ કરી દીધી છે. પ્રૅક્ટિસ-સેશન પહેલાં વિરાટ કોહલીએ ટીમને જોશીલું ભાષણ આપતાં કહ્યું હતું કે ‘આપણે ગયા વર્ષે જે હાંસલ કર્યું એમાં છેલ્લી બે કે ત્રણ સીઝનમાં ખૂબ સખત મહેનત કરી હતી અને હવે એ વધુ મુશ્કેલ હશે, કારણ કે અન્ય ટીમો આપણા પર જોરદાર હુમલો કરશે.’ વિરાટ કોહલીએ વધુમાં કહ્યું હતું કે ‘આપણે આ દિવસો બગાડીશું નહીં. આપણે બધા કરતાં આગળ રહેવાનું છે એટલે જબરદસ્ત તૈયારીઓ કરો. તમે જે પણ સેશનમાં હો એની એક મિનિટ પણ બગાડશો નહીં. આ અઢી મહિનામાં આપણે ૧૨૦ ટકા યોગદાન આપવું પડશે.’
