‘સ્ટારવૉર્સ’ના ‘કૅરૅક્ટર’ને કારણે મચી ભાગદોડ

પોલીસને માહિતી આપવામાં આવી હતી કે એક બિઝી સ્ટેશન પર લાંબી ગન સાથે એક વ્યક્તિ જઈ રહી છે

તસવીર સૌજન્ય : સોશ્યલ મીડિયા

અમેરિકાની બૉસ્ટન સિટીમાં રીસન્ટ‍્લી ભાગદોડ મચી ગઈ હતી. વાસ્તવમાં પોલીસને માહિતી આપવામાં આવી હતી કે એક બિઝી સ્ટેશન પર લાંબી ગન સાથે એક વ્યક્તિ જઈ રહી છે. આ વાત ફેલાઈ જતાં એ એરિયાના લોકોમાં ગભરાટની લાગણી ફેલાઈ હતી.

ગોળીબારની ઇમર્જન્સી સ્થિતિનો સામનો કરવા માટે સજ્જ અધિકારીઓ શુક્રવારે બ્લૅક બે સ્ટેશન પર પહોંચ્યા હતા. પોલીસે ખૂબ જ સંવેદનશીલતાથી મિશન પાર પાડવાનું નક્કી કર્યું. જોકે તપાસ કરતાં ખબર પડી કે આ વ્યક્તિ ‘સ્ટારવૉર્સ’ના કૅરૅક્ટર બોબા ફૅટ તરીકે ડ્રેસિંગ કરીને જઈ રહ્યો હતો અને તેની પાસે રહેલી ગન પણ નકલી હતી. આ સચ્ચાઈ બહાર આવતાં જ પોલીસે રાહતનો શ્વાસ લીધો હતો.