16 May, 2024 08:54 AM IST | New Delhi | Gujarati Mid-day Correspondent
માધવી રાજે સિંધિયા
કેન્દ્રીય પ્રધાન જ્યોતિરાદિત્ય સિંધિયાનાં માતા માધવી રાજે સિંધિયાનું બુધવારે સવારે દિલ્હીની ઑલ ઇન્ડિયા ઇન્સ્ટિટ્યૂટ ઑફ મેડિકલ સાયન્સિસ (AIIMS)માં અવસાન થયું હતું. ગ્વાલિયર રાજવી પરિવારનાં આ રાજમાતાએ સવારે ૯.૨૮ વાગ્યે અંતિમ શ્વાસ લીધા હતા. છેલ્લા કેટલાય દિવસથી તેઓ વેન્ટિલેટર પર હતાં. છેલ્લા ત્રણ મહિનાથી તેઓ આ હૉસ્પિટલમાં સારવાર લઈ રહ્યાં હતાં અને ન્યુમોનિયા તથા સેપ્સિસથી પીડાતાં હતાં. તેઓ કૉન્ગ્રેસના સ્વર્ગસ્થ નેતા અને ભૂતપૂર્વ કેન્દ્રીય પ્રધાન માધવરાવ સિંધિયાનાં પત્ની હતાં. માધવરાવનું મૃત્યુ ૨૦૦૧માં વિમાન-અકસ્માતમાં થયું હતું.