13 February, 2019 09:35 AM IST | | હર્ષ દેસાઈ
શમિતા શેટ્ટી અને રિદ્ધિમા પંડિત
કલર્સ ચૅનલ પર આવી રહેલા શો ‘ખતરોં કે ખિલાડી ૯’માં શમિતા શેટ્ટી અને રિદ્ધિમા પંડિત વચ્ચે કૅટફાઇટ જોવા મળી હતી. આ કૅટફાઇટની શરૂઆત હેરસ્ટાઇલને કારણે થઈ છે. આ શોમાં શમિતાની એન્ટ્રી થવાથી દરેક કન્ટેસ્ટન્ટ તેના તરફ આકર્ષાયા છે અને એ શોમાં પણ જોઈ શકાય છે. એક ટાસ્ક દરમ્યાન તેમને જ્યારે સ્પૉટ પર હાજર થવા કહ્યું હતું ત્યારે શમિતા શેટ્ટીએ ચોટી બાંધી હતી. રિદ્ધિમા પણ તેના જેવી જ હેરસ્ટાઇલમાં જોવા મળી હતી. રિદ્ધિમાને પોતાના જેવી જ હેરસ્ટાઇલમાં જોઈને શમિતા નારાજ થઈ હતી. તેણે રિદ્ધિમાને પૂછ્યું હતું કે તેણે કેમ તેની હેરસ્ટાઇલની નકલ કરી છે.
આ પણ વાંચોઃ ખતરો કે ખિલાડીમાં ડ્રગ્સ લેતા પકડાયો વિકાસ ગુપ્તા, શોમાંથી થયો બહાર
બીજી તરફ રિદ્ધિમાએ કહ્યું હતું કે એ તેના હેરસ્ટાઇલિસ્ટ દ્વારા રાખવામાં આવી છે. જોકે શમિતા ગુસ્સે થઈ ગઈ હતી અને પોતાની હેરસ્ટાઇલની કૉપી કરી હોવાથી તેને એ બદલવા માટે કહી રહી હતી. જોકે રિદ્ધિમા પણ ગુસ્સે થઈ ગઈ હતી અને તેમની વચ્ચે તૂતૂ, મૈંમૈં થઈ ગઈ હતી.