મુંબઈના જળાશયોમાં વધ્યું પાણી સ્તર

મુંબઈમાં છેલ્લા બે દિવસથી વરસાદ પડી રહ્યો છે પણ મુંબઈની હદથી બહાર આવેલાં જળાશયોમાં શુક્રવારે સવારે પૂરા થયેલા ૨૪ કલાકમાં આશરે ૨૦ મિલીમીટર વરસાદ પડ્યો છે

૭ જળાશયોમાં ૧૪.૪૭ લાખ મિલ્યન લીટર પાણીની ક્ષમતા છે. ગુરુવારે આ જળાશયોમાં ૭૬,૫૮૪ મિલ્યન લીટર પાણીપુરવઠો નોંધાયો હતો

જોકે શુક્રવારે વરસાદ બાદ આ પાણીના સ્ટૉકમાં આશરે ૧૦૦૦ મિલ્યન લીટરનો વધારો નોંધાઈને પાણીનો સ્ટૉક ૭૭,૪૨૧ મિલ્યન લીટર થયો છે

બીજી તરફ સુધરાઈએ અપર વૈતરણા અને ભાત્સા જળાશયના રિઝર્વ સ્ટૉકમાંથી ૭૨,૭૮૦ મિલ્યન લીટર પાણીપુરવઠો મેળવ્યો છે

૭ જળાશયો પૈકીનાં તુલસી અને વિહાર મુંબઈમાં છે અને બાકીનાં પાંચ થાણે તથા નાશિક જિલ્લામાં છે. છેલ્લા ૨૪ કલાકમાં તુલસીમાં ૯૮ મિમી અને વિહારમાં ૮૬ મિમી વરસાદ નોંધાયો