દિલ્હીની હવામાં ભળ્યું ઝેર

મોનિટરિંગ એજન્સીઓના જણાવ્યા અનુસાર, પ્રતિકૂળ હવામાન પરિસ્થિતિઓને કારણે 17મે બાદ પહેલીવાર દિલ્હીની હવાની ગુણવત્તા `ખૂબ જ નબળી` બની ગઈ છે.

રાજધાનીના 24 કલાકનો સરેરાશ હવા ગુણવત્તા સૂચકાંક રવિવારે 313 હતો, જે શનિવારે 248 હતો.

રવિવારે ફરીદાબાદમાં 24 કલાકની સરેરાશ AQI 322, ગાઝિયાબાદ 246, ગ્રેટર નોઈડા 354, ગુરુગ્રામ 255 અને નોઈડા 304 નોંધાયું હતું.

સિસ્ટમ અનુસાર, રવિવારે દિલ્હીના PM2.5 પ્રદૂષણમાં ડાંગરના સ્ટ્રો સળગાવવાના ધુમાડાનો હિસ્સો 16 ટકા હતો અને આ વધીને 30-32 ટકા થઈ શકે છે.

પર્યાવરણ પ્રધાન ગોપાલ રાયે પ્રદૂષણ ઘટાડવાના પગલાંના અમલીકરણની સમીક્ષા કરવા માટે તાત્કાલિક બેઠક બોલાવી હતી.