World Chess Championship 2024: ડી ગુકેશ ડિફેન્ડિંગ ચેમ્પિયન અને ચાઈનીઝ ચેસ માસ્ટર ડીંગ લિરેન સામે હરીફાઈમાં હતો.ફાઇનલ મૅચમાં ડી ગુકેશે 14મી ગેમમાં ચીનના ડીંગ લિરેનને હરાવી વિશ્વ વિજેતાનું ટાઇટલ પોતાના કબજે કર્યું હતું.
વર્લ્ડ ચેસ ચેમ્પિયન ડી ગુકેશ (તસવીર: એજન્સી)
આજે ચેસ જગતમાં ભારતવતી ઇતિહાસ રચવામાં આવ્યો છે. ભારતના ચેસ ગ્રાન્ડ માસ્ટરે (World Chess Championship 2024) આજે વર્લ્ડ ચેમ્પિયનશિપ જીતીને સૌથી યુવા ચેમ્પિયન બનવાનો રેકોર્ડ પોતાના નામે કરી લીધો છે. ભારતના ડી ગુકેશે ચેસની દુનિયામાં આજે ઇતિહાસ રચ્યો છે. તે હવે ચેસનો નવો અને સૌથી યુવા વિશ્વ ચેમ્પિયન બની ગયો છે. તેણે ચેસમાં ચીનના સામ્રાજ્યનો અંત લાવ્યો છે. ડોમ્મારાજુ ગુકેશ પણ રેકોર્ડની બાબતમાં ભૂતપૂર્વ ભારતીય ચેસ માસ્ટર વિશ્વનાથન આનંદની બરાબરી કરી ચૂક્યો છે. વર્લ્ડ ચેસ ચેમ્પિયન 2024ની ફાઇનલ મૅચ ગુરુવારે સિંગાપોરમાં રમાઈ હતી. આ મહત્ત્વપૂર્ણ મૅચમાં ડી ગુકેશ ડિફેન્ડિંગ ચેમ્પિયન અને ચાઈનીઝ ચેસ માસ્ટર ડીંગ લિરેન સામે હરીફાઈમાં હતો.ફાઇનલ મૅચમાં ડી ગુકેશે 14મી ગેમમાં ચીનના ડીંગ લિરેનને હરાવી વિશ્વ વિજેતાનું ટાઇટલ પોતાના કબજે કર્યું હતું.
ગુકેશ પણ વિશ્વનાથનના ક્લબમાં જોડાયો
ADVERTISEMENT
ડી ગુકેશ ડીંગ લીરેન (World Chess Championship 2024) સામે બ્લેક પીસ સાથે રમ્યો હતો. ભારતીય યુવાનોએ સમગ્ર મૅચ દરમિયાન પોતાની અદ્ભુત રમત બતાવી હતી અને દરેક રમતમાં ચીનના ખેલાડીઓને હરાવ્યા. અંતે, ડી ગુકેશ ચીનના શાસનનો અંત આવ્યો અને નવો વિશ્વ ચેસ ચેમ્પિયન બન્યો છે. આ શાનદાર જીત સાથે, 18 વર્ષનો ડી ગુકેશ હવે ચેસમાં સૌથી યુવા વિશ્વ ચેમ્પિયન બની ગયો છે. આ ઉપરાંત, તે એક રેકોર્ડની દ્રષ્ટિએ વિશ્વનાથન આનંદની ક્લબમાં પણ જોડાઈ ગયો છે. વાસ્તવમાં, ગુકેશ વિશ્વ ચેસ ચેમ્પિયન બનનાર ભારતનો બીજો ખેલાડી બની ગયો છે. જ્યારે વિશ્વનાથન પ્રથમ ભારતીય છે. 5 વખતના વર્લ્ડ ચેમ્પિયન વિશ્વનાથન આનંદે 2013માં છેલ્લું ટાઇટલ જીત્યું હતું.
ગુકેશનું દબાણ અને ડીંગ લીરેને કરી આ ભૂલ
18-year-old D. Gukesh clinched the 2024 FIDE World Chess Championship, defeating Ding Liren to become the youngest-ever champion.
— Mid Day (@mid_day) December 12, 2024
The points were tied at 6.5-6.5 after 13 games, and Gukesh seized opportunity in the final 14th game following Ding’s blunder.
VC: FIDE… pic.twitter.com/DhVKV3c1t1
વાસ્તવમાં, ડી ગુકેશ (World Chess Championship 2024) આ ટાઈટલ મૅચમાં ચીનના ડીંગ લિરેનને કેટલો પછાડ્યો હતો તેનો અંદાજ એ વાત પરથી લગાવી શકાય છે કે એક સમયે આ મૅચ ટાઈબ્રેક તરફ જતી હતી, પરંતુ તે મુશ્કેલ પરિસ્થિતિમાં પણ ગુકેશે આત્મવિશ્વાસ બતાવ્યો અને તેના પ્રયત્નો ચાલુ રાખ્યા હતા, જેનું પરિણામ એમ આવ્યું કે ડીંગ લિરેને દબાણમાં આવીને મોટી ભૂલ કરી દીધી. આગળ શું થયું, ગુકેશે તરત જ તેનો ફાયદો ઉઠાવ્યો. આ માઇન્ડ ગેમમાં તેણે ડીંગ લિરેનને હરાવ્યો અને મૅચ અને તાજ બન્ને છીનવી લીધા. ગુકેશે આ નિર્ણાયક મૅચની છેલ્લી ક્લાસિકલ ગેમ જીતી લીધી અને લિરેનના 6.5 પોઈન્ટ સામે જરૂરી 7.5 પોઈન્ટ મેળવ્યા અને ટાઈટલ પોતાના નામે કરી લીધું છે. આ જીત સાથે હવે ચેસ જગતને એક નવો અને સૌથી યુવા ચેમ્પિયન મળ્યો છે. ગુકેશ પહેલાં, રશિયન લિજેન્ડ ગેરી કાસ્પારોવ સૌથી યુવા વિશ્વ ચેસ ચેમ્પિયન હતા, જેમણે 1985માં એનાટોલી કાર્પોવને હરાવીને 22 વર્ષની ઉંમરે આ ખિતાબ જીત્યો હતો.
