ભારતીય ટીમે જીતની હૅટ-ટ્રિક કરીને સેમી ફાઇનલિસ્ટ તરીકે મજબૂત દાવેદારી નોંધાવી છે
દીપિકા સેહરાવત
બિહારમાં આયોજિત વિમેન્સ એશિયન ચૅમ્પિયન્સ ટ્રોફીની આઠમી સીઝનમાં ગઈ કાલે ભારતીય ટીમે થાઇલૅન્ડને ૧૩-૦થી હરાવ્યું હતું. યુવા સ્ટ્રાઇકર દીપિકા સેહરાવતે આ મૅચમાં પાંચ ગોલ કર્યા હતા. પહેલાં મલેશિયાને ૪-૦ અને પછી સાઉથ કોરિયાને ૩-૨થી હરાવનારી ડિફેન્ડિંગ ચૅમ્પિયન ભારતીય ટીમે જીતની હૅટ-ટ્રિક કરીને સેમી ફાઇનલિસ્ટ તરીકે મજબૂત દાવેદારી નોંધાવી છે. આવતી કાલે ભારતીય ટીમ ચીન સામે ટકરાશે.
