ઇન્સ્ટાગ્રામ પર તેની પોસ્ટને પચીસ મિનિટમાં મળી ૧૭ લાખ લાઇક્સ
મેસી ટ્રોફી સાથે રાખીને સૂતો!
લિયોનેલ મેસી અને તેના સાથીઓ ગઈ કાલે પરોઢિયે કતારથી ફિફા વર્લ્ડ કપની ચૅમ્પિયનપદની ટ્રોફી સાથે પાટનગર બ્યુનસ આયરસ પાછા આવ્યા ત્યાર બાદ ઍરપોર્ટ પર તેમણે અસંખ્ય ચાહકોનું અભિવાદન ઝીલ્યા પછી ટીમ-બસમાં સવાર થઈને હજારો-લાખો લોકો વચ્ચે ચૅમ્પિયન-પરેડ કાઢી એ પહેલાં ખેલાડીઓએ હોટેલમાં થોડો આરામ કર્યો હતો. મેસીએ પોતાની રૂમમાં રેસ્ટ લેતી વખતે બહુમૂલ્ય ટ્રોફી પોતાની પાસે જ રાખી હતી અને એની તસવીર સોશ્યલ મીડિયામાં પળવારમાં વાઇરલ થઈ ગઈ હતી. ઇન્સ્ટાગ્રામ પરની આ અને એવી બીજી તસવીરોને માત્ર પચીસ મિનિટની અંદર ૧૭ લાખ લાઇક્સ મળી હતી.
ADVERTISEMENT
View this post on Instagram
એ પહેલાં રવિવારે આર્જેન્ટિનાએ ટ્રોફી જીતી લીધી ત્યાર બાદ મેસીએ ટ્રોફી ઊંચકીને ચાહકોનું અભિવાદન ઝીલ્યું એ તસવીરને અત્યાર સુધી મીડિયામાં ૫૭ લાખથી વધુ લાઇક્સ મળી છે.
મેસીએ રવિવારે વર્લ્ડ ચૅમ્પિયન બન્યા પછી કહ્યું હતું કે ‘હું કરીઅરમાં દરેક નાનાં-મોટાં ટાઇટલ જીત્યો છું, પણ આ એક ટ્રોફી બાકી હતી અને હવે એ પણ મેળવી લીધી છે.’
