વેસ્ટ ઇન્ડીઝની ટીમમાં જોસેફ ઇન અને રસેલ આઉટ

ઇંગ્લૅન્ડ સામેની ત્રીજી વન-ડે દરમ્યાન કૅપ્ટન શાઇ હોપ સાથે બોલાચાલી બાદ મેદાન છોડીને જતા રહેલા ફાસ્ટ બોલર અલ્ઝારી જોસેફને સસ્પેન્ડ કરવામાં આવ્યો હતો

અલ્ઝારી જોસેફ

ઇંગ્લૅન્ડ સામેની ત્રીજી વન-ડે દરમ્યાન કૅપ્ટન શાઇ હોપ સાથે બોલાચાલી બાદ મેદાન છોડીને જતા રહેલા ફાસ્ટ બોલર અલ્ઝારી જોસેફને સસ્પેન્ડ કરવામાં આવ્યો હતો. હવે બે મૅચના સસ્પેન્શન બાદ તે ૧૫ નવેમ્બરે મધરાતે ૧.૩૦ વાગ્યે આયોજિત ત્રીજી T20 મૅચથી ટીમમાં વાપસી કરશે, પરંતુ ઑલરાઉન્ડર આન્દ્રે રસેલ પગની ઘૂંટીની ઈજાને કારણે આ મૅચમાં ભાગ લઈ શકશે નહીં. મહેમાન ટીમ ઇંગ્લૅન્ડ આ સિરીઝમાં ૨-૦થી આગળ છે.