બૅટિંગમાં ફ્લૉપ ગયા પછી વિરાટે છોડ્યો સિમ્પલ કૅચ
વિરાટ કોહલી, જસપ્રીત બુમરાહ
વિરાટ કોહલીએ ગઈ કાલે જસપ્રીત બુમરાહની બોલિંગમાં સ્લિપમાં માર્નસ લબુશેનનો સિમ્પલ કૅચ છોડ્યો હતો. બુમરાહે મૅકસ્વીનીને લેગ બિફોર વિકેટ આઉટ કર્યો એ પછી રમવા આવેલા લબુશેનને પહેલા જ બૉલમાં જીવતદાન મળ્યું હતું. પહેલાં તો એવું લાગ્યું હતું કે વિરાટે કૅચ પકડી લીધો છે અને ફીલ્ડરો ઉપરાંત બુમરાહે પણ વિકેટની જબરદસ્ત ઉજવણી કરી હતી, પણ પછી વિરાટે જ્યારે કહ્યું કે કૅચ નથી પકડ્યો ત્યારે ખાસ તો બુમરાહનું રીઍક્શન જોવા જેવું હતું. તેણે કોહલીને ‘છોડ દિયા?’ એમ પૂછીને આઘાત વ્યક્ત કર્યો હતો.
