આ સ્ટૅચ્યુ વાનખેડેમાં સચિન તેન્ડુલકર સ્ટૅન્ડની નજીક મૂકવામાં આવ્યું છે
બૅટિંગ લેજન્ડ સચિન તેન્ડુલકરનું સ્ટૅચ્યુ વાનખેડેમાં સચિનના નામના સ્ટૅન્ડની નજીક મૂકવામાં આવ્યું છે (તસવીર : અતુલ કાંબળે)
ક્રિકેટિંગ ગૉડ, લિટલ ચૅમ્પિયન, માસ્ટર બ્લાસ્ટર, તેન્ડ્લ્યા વગેરે નામથી જાણીતા મહાન ક્રિકેટર સચિન તેન્ડુલકરના સ્ટૅચ્યુનું પહેલી નવેમ્બરે (બુધવારે) અનાવરણ કરવામાં આવશે. આ સ્ટૅચ્યુ વાનખેડેમાં સચિન તેન્ડુલકર સ્ટૅન્ડની નજીક મૂકવામાં આવ્યું છે. બીજી નવેમ્બરે વાનખેડેમાં ભારત-શ્રીલંકા વચ્ચેની વર્લ્ડ કપની મૅચ રમાવાની છે. એના આગલા દિવસે સચિનના સ્ટૅચ્યુના અનાવરણ વખતે આખી ભારતીય ટીમ હાજર રહેશે.
