કૅપ્ટન યંગ હોવો જોઈએ જેથી તે પોતાની ટીમ માટે ઉદાહરણ બની શકે અને વૉર્નર માટે હવે એ સમય નીકળી ગયો છે
ડેવિડ વૉર્નરને
વૉર્નરની ઉંમર કંઈ કૅપ્ટન્સી સંભાળવા જેટલી નથી : ચૅપલ
ADVERTISEMENT
રાવલપિંડીની પિચ બિલો-ઍવરેજ : આઇસીસી
ઇંગ્લૅન્ડ અને પાકિસ્તાન વચ્ચે તાજેતરમાં રમાયેલી સિરીઝની પ્રથમ ટેસ્ટ માટેની રાવલપિંડીની પિચ બિલો-ઍવરેજ હોવાનું આઇસીસીએ રિપોર્ટમાં જણાવ્યું છે. ક્રિકેટની આ સર્વોચ્ચ સંસ્થાના મતે એ પિચ પર બોલર્સને કોઈ જ મદદ નહોતી મળી. આખી મૅચમાં કુલ ૭ બૅટર્સે સદી ફટકારી હતી, ઇંગ્લૅન્ડે પહેલા દિવસે માત્ર ૭૫ ઓવરમાં ૪ વિકેટે ૫૦૬ રન બનાવ્યા હતા અને મૅચ ૭૪ રનથી જીતી લીધી હતી.
રણજી શરૂ : મુંબઈ સામે આંધ્રના ૨૩૮, હરિયાણા ૪૬માં આઉટ
ગઈ કાલે રણજી ટ્રોફીની નવી સીઝનનો આરંભ થયો હતો, જેમાં રહાણેના સુકાનમાં રમતી મુંબઈની ટીમે આંધ્રની ટીમને ૨૩૮ રનમાં ઑલઆઉટ કરી હતી અને પછી મુંબઈના એક વિકેટે પચીસ રન બન્યા હતા. આંધ્રની ટીમ મુંબઈના તનુશ કોટિયનની ચાર તેમ જ શમ્સ મુલાની, મોહિત અવસ્થીની બે-બે વિકેટને લીધે અઢીસો રન પણ નહોતી બનાવી શકી. અન્ય મૅચોમાં પ્રથમ દિવસની વિગતો આ મુજબ છે : સૌરાષ્ટ્ર સામે આસામ ૭ વિકેટે ૨૪૯, બરોડા સામે ઓડિશા પાંચ વિકેટે ૨૧૪, ત્રિપુરા સામે ગુજરાત ૨૭૧માં ઑલઆઉટ, હિમાચલ સામે હરિયાણા ૪૬માં ઑલઆઉટ અને પછી હિમાચલ એક વિકેટે ૨૪૬.
બ્રાઝિલની ટીમ માટે વિદેશી કોચ નીમો : રોનાલ્ડો
બ્રાઝિલની વર્લ્ડ કપમાંથી વહેલી એક્ઝિટ થતાં બ્રાઝિલની ટીમ માટે હવે વિદેશી કોચ નીમવા જોઈએ એવા થઈ રહેલા અનુરોધને દેશના ફુટબૉલ-લેજન્ડ રોનાલ્ડોએ ટેકો આપ્યો છે. રોનાલ્ડો ૪૬ વર્ષનો છે. તે ૧૯૯૩થી ૨૦૧૧ સુધી બ્રાઝિલ વતી રમ્યો હતો. તેણે બ્રાઝિલના કોચ બનાવવા માટે પેપ ગ્વાર્ડિઓલા, કાર્લો ઍન્સલૉટી અને જોઝ મૉરિન્હોનાં નામ સૂચવ્યાં છે.
હૉકી વર્લ્ડ કપની ટિકિટનો ભાવ ૧૦૦થી ૫૦૦ રૂપિયા
ભારતમાં આવતા જાન્યુઆરીમાં મેન્સ હૉકી વર્લ્ડ કપ યોજાવાનો છે અને એ માટેની સ્ટેડિયમની ટિકિટનો ભાવ જાહેર થયો છે. આ વિશ્વકપની મૅચો ભુવનેશ્વર તથા રુરકેલામાં રમાશે. નૉર્થ તથા સાઉથ સ્ટૅન્ડની ટિકિટનો ભાવ ૧૦૦ રૂપિયા તથા વેસ્ટ સ્ટૅન્ડનો ભાવ ૫૦૦ રૂપિયા છે. એની વચ્ચેનાં વિવિધ સ્ટૅન્ડના ભાવ ૨૦૦ અને ૪૦૦ રૂપિયા છે.
આજે મુંબઈમાં ઑપ્ટિમિસ્ટ એશિયન ચૅમ્પિયનશિપનું ઉદ્ઘાટન
ગિરગાંવ ચોપાટીમાં એક અઠવાડિયું ચાલનારી ‘૨૦૨૨ ઑપ્ટિમિસ્ટ એશિયન ઍન્ડ ઓસનિયા ચૅમ્પિયનશિપ’ શરૂ થઈ રહી છે. મહારાષ્ટ્ર ગુજરાત ઍન્ડ ગોવા એરિયા/આર્મી યૉટિંગ નોડના ઉપક્રમે યોજાયેલી આ ઇવેન્ટ આવતી કાલે ફ્લીટ રેસનો આરંભ થશે અને એ નિમિત્તે આજે સાંજે નરીમાન પૉઇન્ટના યશવંતરાવ ચવાણ સેન્ટરમાં યોજાનારા ઉદ્ઘાટન સમારોહમાં મુખ્ય પ્રધાન એકનાથ શિંદે, ખેલકૂદ પ્રધાન ગિરીશ મહાજન તેમ જ બીજા મહાનુભાવો ઉપસ્થિત રહેશે.
