બન્ને દેશના બે સદ્ગત ક્રિકેટરોના સન્માનમાં તેમનાં બૅટમાંથી બની છે લાકડાની ટ્રોફી
ન્યુ ઝીલૅન્ડના માર્ટિન ક્રો (ડાબે) અને ઇંગ્લૅન્ડના ગ્રેહામ થૉર્પ.
ન્યુ ઝીલૅન્ડની ટીમ ઘરઆંગણે ૨૮ નવેમ્બરથી ઇંગ્લૅન્ડ સામે ત્રણ મૅચની ટેસ્ટ-સિરીઝ રમશે. બન્ને ટીમ વચ્ચે રમાતી આ ટેસ્ટ-સિરીઝને હવે નામ આપવામાં આવ્યું છે. બન્ને દેશ હવેથી ક્રો-થૉર્પ ટ્રોફી ટેસ્ટ-સિરીઝ રમશે. ન્યુ ઝીલૅન્ડના માર્ટિન ક્રો અને ઇંગ્લૅન્ડના ગ્રેહામ થૉર્પના સન્માનમાં આ ટેસ્ટ-સિરીઝ શરૂ થશે. બન્ને દિવંગત ક્રિકેટર્સ મિડલ ઑર્ડર બૅટર હતા.
ADVERTISEMENT
ટેસ્ટ-ક્રિકેટમાં હવે લાકડાની આ ટ્રોફી જીતવા માટે ઇંગ્લૅન્ડ-ન્યુ ઝીલૅન્ડ વચ્ચે થશે રસાકસી.
ક્રો-થૉર્પ ટ્રોફી લાકડાની બનેલી છે અને એમાં બન્ને પ્લેયર્સ દ્વારા ઉપયોગમાં લેવાયેલા બૅટના હિસ્સાનો ઉપયોગ કરવામાં આવ્યો છે. પહેલી ટેસ્ટની શરૂઆતમાં બન્ને ક્રિકેટર્સના પરિવારની હાજરીમાં આ ટ્રોફીનું અનાવણ કરવામાં આવશે. ૧૯૮૨થી ૧૯૯૫ સુધીમાં ન્યુ ઝીલૅન્ડના માર્ટિન ક્રોએ ૭૭ ટેસ્ટમાં ૫૪૪૪ રન અને ૧૪૩ વન-ડે મૅચમાં ૪૭૦૪ રન કર્યા હતા. ૧૯૯૩થી ૨૦૦૫ સુધી ઇંગ્લૅન્ડના ગ્રેહામ થૉર્પે ૧૦૦ ટેસ્ટમાં ૬૭૪૪ રન અને ૮૨ વન-ડે મૅચમાં ૨૩૮૦ રન ફટકારીને ધમાલ મચાવી હતી.
