WTCમાં ન્યુ ઝીલૅન્ડને ચાર સ્થાનનું નુકસાન થયું, શ્રીલંકાએ ટૉપ-થ્રીમાં સ્થાન મજબૂત કર્યું

શ્રીલંકાની ટીમ હવે WTC પૉઇન્ટ્સ-ટેબલમાં ત્રીજા સ્થાને છે અને એના પૉઇન્ટની ટકાવારી ૫૫.૫૬ છે, જ્યારે તે હવે બીજા સ્થાને રહેલી ઑસ્ટ્રેલિયન ટીમ (૬૨.૫૦)થી થોડી પાછળ છે

પ્રતીકાત્મક તસવીર

શ્રીલંકા સામે ક્લીન સ્વીપ બાદ ન્યુ ઝીલૅન્ડ ટીમ માટે હવે વર્લ્ડ ટેસ્ટ ચૅમ્પિયનશિપ (WTC)ની આ ઍડિશનમાં ફાઇનલમાં પહોંચવું ઘણું મુશ્કેલ બની ગયું છે. શ્રીલંકાની ટીમ હવે WTC પૉઇન્ટ્સ-ટેબલમાં ત્રીજા સ્થાને છે અને એના પૉઇન્ટની ટકાવારી ૫૫.૫૬ છે, જ્યારે તે હવે બીજા સ્થાને રહેલી ઑસ્ટ્રેલિયન ટીમ (૬૨.૫૦)થી થોડી પાછળ છે. શ્રીલંકાની આ ટૂર ન્યુ ઝીલૅન્ડની ટીમ માટે દુઃસ્વપ્ન સાબિત થઈ છે. બીજી ટેસ્ટ-મૅચ પહેલાં કિવી ટીમ વર્લ્ડ ટેસ્ટ ચૅમ્પિયનશિપના પૉઇન્ટ્સ-ટેબલમાં ૪૨.૮૫ પૉઇન્ટની ટકાવારી સાથે ચોથા સ્થાને હતી. હવે આ મૅચમાં હાર બાદ આ ટીમ સીધી નંબર ૭ પર પહોંચી ગઈ છે જેમાં એના પૉઇન્ટની ટકાવારી હવે ૩૭.૫૦ થઈ ગઈ છે. 

WTC પૉઇન્ટ્સ-ટેબલમાં દરેક ટીમની પૉઇન્ટ ટકાવારી 
ભારત    ૭૧.૬૭
ઑસ્ટ્રેલિયા    ૬૨.૫૦
શ્રીલંકા    ૫૫.૫૬
ઇંગ્લૅન્ડ    ૪૨.૧૯
બંગલાદેશ    ૩૯.૨૯
સાઉથ આફ્રિકા    ૩૮.૮૯
ન્યુ ઝીલૅન્ડ    ૩૭.૫૦
પાકિસ્તાન    ૧૯.૦૫
વેસ્ટ ઇન્ડીઝ    ૧૮.૫૨