મુશફિકુર ટેસ્ટમાં ૯ રનથી ચોથી ડબલ સેન્ચુરી ચૂકી ગયો
મુશફિકુર રહીમ
૩૭ વર્ષના બંગલાદેશી બૅટર મુશફિકુર રહીમે ગઈ કાલે પાકિસ્તાન સામે ૩૪૧ બૉલમાં ૧૯૧ રનની ઇનિંગ્સ રમીને ધમાલ મચાવી હતી. ટેસ્ટ-કરીઅરની ૧૧મી સેન્ચુરી ફટકારનાર મુશફિકુર રહીમ વિદેશમાં પાંચ સેન્ચુરી કરનારો પહેલો બંગલાદેશી બન્યો છે. ત્રણ વાર ટેસ્ટમાં ડબલ સેન્ચુરી ફટકારનાર આ ક્રિકેટર ગઈ કાલે ૯ રનથી ચોથી વાર આ કમાલ કરવાનું ચૂકી ગયો હતો. ૧૫,૧૫૯ ઇન્ટરનૅશનલ રન ફટકારનાર મુશફિકુર રહીમ ટૂંક સમયમાં તમીમ ઇકબાલ (૧૫,૧૯૨ રન)ને પછાડીને સૌથી વધુ રન ફટકારનાર બંગલાદેશી બૅટર બનશે.
પહેલાં ૬ વિકેટે ૪૪૮ રનના સ્કોરે ઇનિંગ્સ ડિક્લેર કરનાર પાકિસ્તાન સામે ઑલઆઉટ થઈને બંગલાદેશે ૫૬૫ રન કર્યા હતા. ગઈ કાલે ચોથા દિવસની રમતના અંતે બીજી ઇનિંગ્સમાં ૧ વિકેટે ૨૩ રન કરનાર પાકિસ્તાન હાલમાં આ ટેસ્ટમાં ૯૪ રન પાછળ છે.