વેન્કટેશ ઐયરે ગયા વર્ષે નવેમ્બરમાં શ્રુતિ રઘુનાથન સાથે એન્ગેજમેન્ટ કર્યા હતા
કોલકાતા નાઇટ રાઇડર્સના CEO વેન્કી મૈસૂર સાથે વેન્કટેશ ઐયર અને શ્રુતિ રઘુનાથન
ઇન્ડિયન પ્રીમિયર લીગ (IPL) 2024ની ફાઇનલમાં સનરાઇઝર્સ હૈદરાબાદ સામે બાવન રનની વિનિંગ ઇનિંગ્સ રમનાર કોલકાતા નાઇટ રાઇડર્સના ઑલરાઉન્ડર વેન્કટેશ ઐયરે જીવનની નવી ઇનિંગ્સ શરૂ કરી છે. વેન્કટેશ ઐયરે ગયા વર્ષે નવેમ્બરમાં શ્રુતિ રઘુનાથન સાથે એન્ગેજમેન્ટ કર્યા હતા અને ગઈ કાલે બન્ને લગ્નબંધનમાં જોડાયાં હતાં. પરિવારની હાજરીમાં લગ્ન કરનાર ૨૯ વર્ષના વેન્કટેશ ઐયર અને તેની પત્નીના ફોટો સોશ્યલ મીડિયા પર ભારે વાઇરલ થયા હતા. કોલકાતા નાઇટ રાઇડર્સના CEO વેન્કી મૈસૂર અને સ્પિનર વરુણ ચક્રવર્તીએ પણ આ શુભ પ્રસંગે હાજરી આપી હતી.
શ્રુતિ બૅન્ગલોરમાં લાઇફસ્ટાઇલ ઇન્ટરનૅશનલ પ્રાઇવેટ લિમિટેડમાં કામ કરે છે. બન્નેની ઓળખાણ કૉમન ફ્રેન્ડ દ્વારા થઈ હતી. અનેક ડેટ્સ બાદ મિત્રતા પ્રેમમાં બદલાઈ હતી. અહેવાલો અનુસાર વેન્કટેશની પત્ની શ્રુતિએ ફૅશન મૅનેજમેન્ટમાં માસ્ટર ડિગ્રી કરી છે.
