IPLનો પગાર પંચાવન લાખમાંથી ૧૩ કરોડ રૂપિયા થયો એને પગલે...
રિન્કુ સિંહે ઉત્તર પ્રદેશના અલીગઢમાં નવું ઘર ખરીદ્યું છે
IPL 2025માં કોલકાતા નાઇટ રાઇડર્સ (KKR) માટે ૧૩ કરોડ રૂપિયામાં રીટેન થયેલા રિન્કુ સિંહે ઉત્તર પ્રદેશના અલીગઢમાં નવું ઘર ખરીદ્યું છે. હાલમાં સાઉથ આફ્રિકા ટૂર માટે ભારતીય ટીમ સાથે ટ્રાવેલ કરી રહેલા રિન્કુ સિંહ અને તેના પરિવારનો એક ફોટો સોશ્યલ મીડિયા પર વાઇરલ થયો છે. અહેવાલ અનુસાર સાઉથ આફ્રિકા ટૂર પહેલાં રિન્કુ પોતાના પરિવાર સાથે નવા ઘરમાં શિફ્ટ થઈ ગયો છે. ૨૭ વર્ષના બૅટર રિન્કુ સિંહનો ૩.૫ કરોડ રૂપિયાનો આ બંગલો ૫૦૦ સ્ક્વેર યાર્ડમાં બન્યો છે. રિન્કુ સિંહના નવા ઘરનો ગૃહપ્રવેશ પણ થઈ ગયો છે અને ભારતીય ક્રિકેટરે તેની ચાવી તેના પપ્પાને સોંપી છે. તેની IPL સૅલેરી પંચાવન લાખથી વધીને ૧૩ કરોડ રૂપિયા થઈ ગઈ છે.
