ઍડીલેડ ટેસ્ટમાં જોરદાર વાપસીનું વચન આપ્યું
પૅટ કમિન્સ
પર્થ ટેસ્ટમાં હાર્યા બાદ ઑસ્ટ્રેલિયન કૅપ્ટન પૅટ કમિન્સે સ્વીકાર્યું હતું કે ભારતે દરેક વિભાગમાં અમારા કરતાં વધુ સારું પ્રદર્શન કર્યું છે. જોકે તેણે વચન આપ્યું છે કે ઑસ્ટ્રેલિયન ટીમ ઍડીલેડ ટેસ્ટમાં જોરદાર વાપસી કરશે. વિવિધ અહેવાલ અનુસાર ઑસ્ટ્રેલિયન ટીમના ડ્રેસિંગરૂમમાં જોશ હેઝલવુડ અને બૅટર્સ વચ્ચે પ્રદર્શનના મુદ્દે અણબનાવ છે.
પૅટ કમિન્સે આ સંદર્ભે વાત કરતાં કહ્યું હતું કે ‘ઘણી વખત એવું બન્યું છે કે બૅટ્સમેનોએ અમને બોલરોને મુશ્કેલ પરિસ્થિતિમાંથી બહાર કાઢ્યા છે અને અમે પણ એવું જ કર્યું છે. અમને સાથે ક્રિકેટ રમવાની મજા આવે છે. છેલ્લાં કેટલાંક વર્ષોમાં આપણે ઘણા ઉતાર-ચડાવ જોયા છે. અમારી ટીમના મુખ્ય ખેલાડીઓ ત્યાં છે એથી કોઈ સમસ્યા નથી. દરેક વ્યક્તિ એકબીજા સાથે સારું વર્તન કરી રહ્યા છે. બધું બરાબર છે.’
