ભારતની બ્લા​​​​ઇન્ડ વિમેન્સ ટીમે પાકિસ્તાનના પ્લેયર્સ સાથે હાથ મિલાવ્યા, મેન્સ ક્રિકેટ ટીમે ઇનકાર કર્યો

ક્રિકેટ જગતમાં ભારતીય મહિલા ટીમની આ સ્પોર્ટ્‌સમૅન સ્પિરિટની પ્રશંસા પણ થઈ રહી છે

ભારતીય મહિલા ટીમે પાકિસ્તાનના ખેલાડીઓ સાથે મિલાવ્યા હાથ

પહલગામ આંતકવાદી હુમલા બાદ ભારત અને પાકિસ્તાન વચ્ચે રમાયેલી મૅચોમાં ભારતીય પ્લેયર્સે કટ્ટર હરીફ ટીમના પ્લેયર્સ સાથે હાથ ન મિલાવવાનો કડક વ્યવહાર શરૂ કર્યો હતો. કતરમાં આયોજિત રાઇઝિંગ સ્ટાર એશિયા કપ દરમ્યાન ભારતની A ટીમના પ્લેયર્સે પાકિસ્તાન સામેની ગ્રુપ-સ્ટેજ મૅચમાં આ પ્રથા ચાલુ રાખી હતી. જોકે રવિવારે કોલંબોમાં બ્લાઇન્ડ વિમેન્સ T20 વર્લ્ડ કપ મૅચ બાદ ભારતીય અને પાકિસ્તાની ખેલાડીઓએ હાથ મિલાવ્યા હતા. ક્રિકેટ જગતમાં ભારતીય મહિલા ટીમની આ સ્પોર્ટ્‌સમૅન સ્પિરિટની પ્રશંસા પણ થઈ રહી છે.