ન્યુ ઝીલૅન્ડ સામેની ત્રણ મૅચની વન-ડે સિરીઝ બાદ ભારતીય કૅપ્ટન હરમનપ્રીત કૌરે વિમેન્સ વન-ડે બૅટર્સના રૅન્કિંગમાં ટૉપ-ટેનમાં ફરી સ્થાન મેળવી લીધું છે
હરમનપ્રીત કૌર
ન્યુ ઝીલૅન્ડ સામેની ત્રણ મૅચની વન-ડે સિરીઝ બાદ ભારતીય કૅપ્ટન હરમનપ્રીત કૌરે વિમેન્સ વન-ડે બૅટર્સના રૅન્કિંગમાં ટૉપ-ટેનમાં ફરી સ્થાન મેળવી લીધું છે. ન્યુ ઝીલૅન્ડ સામે છેલ્લી બે વન-ડેમાં ૮૩ રન ફટકારનારી હરમને ત્રણ સ્થાનની છલાંગ લગાવી છે. તેણે એક સ્થાનનું નુકસાન ભોગવનાર ન્યુ ઝીલૅન્ડની કૅપ્ટન સોફી ડિવાઇન સાથે નવમા ક્રમે સંયુક્ત રૅન્કિંગ મેળવ્યું છે. અમદાવાદમાં રમાયેલી વન-ડે સિરીઝમાં સેન્ચુરી સહિત ૧૦૫ રન ફટકારનાર વાઇસ-કૅપ્ટન સ્મૃતિ માન્ધના ચોથા નંબરે યથાવત્ છે.
