ગઈ કાલે ICCએ મેન્સ અને વિમેન્સ ચૅમ્પિયન્સ ટ્રોફી માટે એક નવી વિઝ્યુઅલ ઓળખ રજૂ કરી હતી. વિમેન્સ ટીમની પહેલી T20 ફૉર્મેટની ચૅમ્પિયન્સ ટ્રોફી ૨૦૨૭માં શ્રીલંકામાં યોજાશે
પ્રતીકાત્મક તસવીર
ગઈ કાલે ICCએ મેન્સ અને વિમેન્સ ચૅમ્પિયન્સ ટ્રોફી માટે એક નવી વિઝ્યુઅલ ઓળખ રજૂ કરી હતી. વિમેન્સ ટીમની પહેલી T20 ફૉર્મેટની ચૅમ્પિયન્સ ટ્રોફી ૨૦૨૭માં શ્રીલંકામાં યોજાશે, જ્યારે મેન્સ ટીમના વન-ડે ફૉર્મેટની ચૅમ્પિયન્સ ટ્રોફીના વેન્યુને લઈને વિવાદ ચાલી રહ્યો છે. ભારત અને પાકિસ્તાનના હાઇબ્રિડ મૉડલના વિવાદ વચ્ચે ICC અન્ય ટીમો સાથે પણ વેન્યુ બાબતે ચર્ચા કરી રહી છે.
પાકિસ્તાની ટીમ હાઇબ્રિડ મૉડલ ન સ્વીકારીને ટુર્નામેન્ટ અને ભારત સામેની ICCની તમામ મૅચનો બહિષ્કાર કરવાના મૂડમાં છે. જોકે આ નવી વિઝ્યુઅલ ઓળખમાં યજમાન પાકિસ્તાનનું નામ ચૅમ્પિયન્સ ટ્રોફી ૨૦૨૫ સાથે જોવા મળ્યું હતું.
