૬ વર્ષમાં ચોથી વાર ICC અમ્પાયર આૅફ ધ યર બન્યા
ઇંગ્લૅન્ડના ૬૧ વર્ષના અમ્પાયર રિચર્ડ ઇલિંગવર્થ
ઇન્ટરનૅશનલ ક્રિકેટ કાઉન્સિલ (ICC)એ ઇંગ્લૅન્ડના ૬૧ વર્ષના અમ્પાયર રિચર્ડ ઇલિંગવર્થને ૨૦૨૪માં ઇન્ટરનૅશનલ ક્રિકેટમાં તેમના ઉત્તમ અમ્પાયરિંગના આધારે ICC અમ્પાયર ઑફ ધ યર અવૉર્ડ એનાયત કર્યો છે. આ તેમનો સળંગ ત્રીજો ICC અવૉર્ડ છે. આ પહેલાં તેમણે ૨૦૧૯, ૨૦૨૨ અને ૨૦૨૩માં પણ આ અવૉર્ડ જીત્યો હતો.
૧૯૯૧થી ૧૯૯૬ વચ્ચે રિચર્ડ ઇલિંગવર્થે ઇંગ્લૅન્ડ માટે નવ ટેસ્ટ-મૅચ અને પચીસ વન-ડે મૅચ પણ રમી હતી. તેમણે ઇન્ટરનૅશનલ ક્રિકેટમાં ૧૦૭ ટેસ્ટ-મૅચ, ૧૬૬ વન-ડે, ૫૧ T20 ઇન્ટરનૅશનલ મૅચ, ૧ મહિલા ટેસ્ટ-મૅચ, ૬ મહિલા વન-ડે અને ૧૪ મહિલા T20 ઇન્ટરનૅશનલ મૅચમાં ફીલ્ડ અને ટીવી-અમ્પાયરની ભૂમિકા ભજવી છે.
