ચૅમ્પિયન ટીમને મળશે ૨૦.૩૬ કરોડ રૂપિયા અને રનરઅપને મળશે ૧૦.૬૪ કરોડ રૂપિયા
T20 વર્લ્ડ કપ
ઇન્ટરનૅશનલ ક્રિકેટ કાઉન્સિલ (ICC)એ T20 વર્લ્ડ કપ 2024 માટે ઐતિહાસિક પ્રાઇસ મનીની જાહેરાત કરી છે. પહેલી વખત ૨૦ ટીમ વચ્ચે રમાઈ રહેલા T20 વર્લ્ડ કપ માટે ૧૧.૨૫ મિલ્યન ડૉલર એટલે કે લગભગ ૯૩ કરોડ ૫૦ લાખ રૂપિયાની ઇનામી રકમની જાહેરાત કરવામાં આવી છે જેમાંથી ચૅમ્પિયન ટીમને ૨.૪૫ મિલ્યન ડૉલર એટલે કે લગભગ ૨૦ કરોડ ૩૬ લાખ રૂપિયા આપવામાં આવશે અને રનરઅપ ટીમને ૧.૨૮ મિલ્યન ડૉલર એટલે કે અંદાજે ૧૦.૬૪ કરોડ રૂપિયા મળશે.
૨૦૨૨માં T20 વર્લ્ડ કપની પ્રાઇસ મની ૫.૬ મિલ્યન ડૉલર એટલે કે લગભગ ૪૬.૫૪ કરોડ રૂપિયા હતી, જેમાંથી ચૅમ્પિયન ટીમ ઇંગ્લૅન્ડને ૧૩ કરોડ રૂપિયા અને રનરઅપ ટીમ પાકિસ્તાનને ૬.૪૪ કરોડ રૂપિયાની ઇનામી રકમ મળી હતી.
ADVERTISEMENT
25.89 લાખ રૂપિયા
સેમી ફાઇનલ અને ફાઇનલ સિવાયની પ્રત્યેક મૅચ જીતવા બદલ દરેક ટીમને આટલા વધારાના પૈસા મળશે.
T20 વર્લ્ડ કપ 2024નાં ઇનામ (રૂપિયામાં)
ચૅમ્પિયન - ૨૦.૩૬ કરોડ
રનરઅપ - ૧૦.૬૪ કરોડ
સેમી ફાઇનમાં હારનાર ટીમ - ૬.૫૪ કરોડ
સુપર-એઇટમાંથી બહાર થનાર ટીમ - ૩.૧૭ કરોડ
૯થી ૧૨મા ક્રમે રહેનાર ટીમ - ૨.૦૫ કરોડ
૧૩થી ૨૦મા ક્રમે રહેનાર ટીમ - ૧.૮૭ કરોડ