Border-Gavaskar Trophy, India vs Australia 5th Test: ઓસ્ટ્રેલિયાએ ૩-૧થી જીતી બોર્ડર-ગાવસ્કર ટ્રોફી, વર્લ્ડ ટેસ્ટ ચેમ્પિયનશિપ માટે ક્વૉલિફાય થયા કાંગારુઓ, ભારત WTCની રેસમાંથી બહાર
તસવીર સૌજન્ય : એએફપી
ભારતીય ક્રિકેટ ટીમ (Indian Cricket Team) સિડની (Sydney Cricket Ground)માં ૪૬ વર્ષના દુષ્કાળને ખતમ કરી શકી નથી અને બોર્ડર-ગાવસ્કર ટ્રોફી (Border-Gavaskar Trophy)ની ભારત (India) ઓસ્ટ્રેલિયા (Australia)ની પાંચમી ટેસ્ટ મેચ (Border-Gavaskar Trophy, India vs Australia 5th Test)માં ઓસ્ટ્રેલિયાએ તેને છ વિકેટે હરાવ્યું હતું. મેચના ત્રીજા દિવસે પરિણામ આવ્યું અને આ સાથે ઓસ્ટ્રેલિયાની ટીમે સીરીઝ ૩-૧થી જીતી લીધી. આ જીત સાથે ઓસ્ટ્રેલિયાએ ૧૦ વર્ષ બાદ બોર્ડર-ગાવસ્કર ટ્રોફી જીતી છે. તેમને જીતવા માટે ૧૬૨ રનની જરૂર હતી, જે તેમણે રવિવારે ચાર વિકેટ ગુમાવીને હાંસલ કરી હતી. આ સાથે જ ઓસ્ટ્રેલિયાએ વર્લ્ડ ટેસ્ટ ચેમ્પિયનશિપ (World Test Championship - WTC)માં તેમનું સ્થાન પાક્કું કરી લીધું છે પરંતુ ભારત રેસમાંથી બહાર થઈ ગયું છે.
ભારતે પર્થ (Perth)માં રમાયેલી બોર્ડર-ગાવસ્કર ટ્રોફીની આ શ્રેણીની પ્રથમ મેચ જીતી હતી, પરંતુ તે પછી એડિલેડ (Adelaide)માં હારનો સામનો કરવો પડ્યો હતો અને બ્રિસ્બેન (Brisbane)માં પણ હારનો સામનો કરવો પડ્યો હતો. ટીમ ઈન્ડિયાએ મેલબોર્ન ટેસ્ટ (Melbourne Cricket Ground) મેચ ડ્રો કરીને શ્રેણીમાં પ્રાણ ફૂંક્યા અને આશા જગાવી કે શ્રેણી ડ્રો થઈ શકે છે, પરંતુ સિડની (Sydney)માં આવું ન થઈ શક્યું અને ભારતની હાર થઈ.
ADVERTISEMENT
સિડની ટેસ્ટ મેચમાં ટીમ ઈન્ડિયાના બેટ્સમેન સંપૂર્ણપણે નિષ્ફળ રહ્યા હતા. ભારત પ્રથમ દાવમાં ૧૮૫ રનમાં સમેટાઈ ગયું હતું. ભારતીય બોલરોએ શાનદાર પ્રદર્શન કરીને ઓસ્ટ્રેલિયાને પ્રથમ દાવમાં ૧૮૧ રનમાં આઉટ કરી દીધું હતું. બીજી ઈનિંગમાં ભારત ચાર રનની લીડ સાથે મેદાનમાં આવ્યું હતું, પરંતુ માત્ર ૧૫૭ રનમાં જ ઓલઆઉટ થઈ જતાં તેઓ ઓસ્ટ્રેલિયાને મોટો ટાર્ગેટ આપવામાં નિષ્ફળ રહ્યા હતા.
ભારતની બીજી ઈનિંગમાં રિષભ પંત (Rishabh Pant)એ ૬૧ રન બનાવ્યા પરંતુ અન્ય કોઈ બેટ્સમેન આગળ વધી શક્યો નહીં. ટીમ ઈન્ડિયાએ બીજા દિવસના અંતમાં બીજા દાવમાં છ વિકેટ ગુમાવીને ૧૪૧ રન બનાવ્યા હતા. રવિન્દ્ર જાડેજા (Ravindra Jadeja) અને વોશિંગ્ટન સુંદર (Washington Sundar) પાસેથી મજબૂત ભાગીદારીની અપેક્ષા હતી જે પૂરી થઈ શકી નહીં. પૅટ કમિન્સ (Pat Cummins)એ જાડેજાને આઉટ કરીને ત્રીજા દિવસે ભારતને પહેલો ઝટકો આપ્યો હતો. જાડેજા માત્ર ૧૩ રન બનાવી શક્યો હતો. પછી કમિન્સે સુંદરની ૧૨ રનની ઇનિંગ્સનો અંત આણ્યો હતો. અહીંથી નક્કી થયું કે ભારત મજબૂત સ્કોર સુધી પહોંચી શકશે નહીં. મોહમ્મદ સિરાજ (Mohammed Siraj) ચાર રન બનાવી સ્કૉટ બોલેન્ડ (Scott Boland)નો શિકાર બન્યો હતો. સ્કોટ બોલેન્ડે કેપ્ટન જસપ્રિત બુમરાહ (Jasprit Bumrah)ને બોલિંગ કરીને ભારતીય ઇનિંગ્સનો અંત આણ્યો હતો.
ઓસ્ટ્રેલિયાને જીતવા માટે ૧૬૧ રન બનાવવાના હતા. ઈનિંગની શરૂઆત પહેલા જ તેઅશોને મોટી રાહત મળી હતી. બુમરાહ મેદાન પર આવ્યો ન હતો. બુમરાહની પીઠમાં જડતા (Jasprit Bumrah Injury) છે અને તેથી જ તે બીજા દિવસે બીજા સેશનમાં એક ઓવર નાખ્યા બાદ આઉટ થઈ ગયો હતો. સેમ કોન્સ્ટાસ (Sam Konstas)એ આનો લાભ લીધો અને ઝડપી શરૂઆત કરી. તેણે પહેલી જ ઓવરમાં ૧૩ રન બનાવ્યા હતા. જોકે, પ્રસિદ્ધ કૃષ્ણા (Prasidh Krishna)એ પોતાની ઇનિંગ્સનો અંત કરીને ભારતને પ્રથમ સફળતા અપાવી હતી. કૃષ્ણાએ જ માર્નસ લાબુશેન (Marnus Labuschagne) અને સ્ટીવ સ્મિથ (Steve Smith)ને આઉટ કર્યા હતા. ટ્રેવિસ હેડ (Travis Head) અને ઉસ્માન ખ્વાજા (Usman Khawaja)એ સાથે મળીને ટીમને જીત સુધી પહોંચાડી હતી. ખ્વાજાને ૪૬ના અંગત સ્કોર પર મોહમ્મદ સિરાજ (Mohammad Siraj)એ આઉટ કર્યો હતો. આ પછી ઓસ્ટ્રેલિયાએ એકપણ વિકેટ ગુમાવી ન હતી. હેડ, બ્યુ વેબસ્ટર સાથે મળીને તેમની ટીમને વિજય તરફ દોરી ગયા. હેડે અણનમ ૩૪ રન બનાવ્યા હતા. વેબસ્ટરે ૩૯ રનની અણનમ ઇનિંગ રમી હતી.
આ હારથી દસ વર્ષ બાદ ભારત પાસેથી બોર્ડર-ગાવસ્કર ટ્રોફી છીનવાઈ ગઈ છે અને આઈસીસી વર્લ્ડ ટેસ્ટ ચેમ્પિયનશિપની ફાઇનલમાં પહોંચવાનું સપનું પણ ચકનાચૂર થઈ ગયું છે. ભારતને ફાઇનલમાં પહોંચવા માટે આ મેચમાં જીતની સખત જરૂર હતી, જે તેને મળી ન હતી. આ જીત સાથે ઓસ્ટ્રેલિયાએ ફાઇનલમાં પોતાનું સ્થાન નિશ્ચિત કરી લીધું છે જ્યાં તેનો મુકાબલો દક્ષિણ આફ્રિકા (South Africa) સાથે થશે.
