ગુજરાતી મિડ-ડે ડૉટ કૉમ તમારી માટે લઈને આવ્યું છે `વન્ડર વુમન`ની ખાસ રજૂઆત. આમ તો સમાજની દરેક મહિલા પોતાના `સ્ત્રીત્વ`ના બળે જીવનમાં ઊંચાઈને પામે છે. વળી, આપણી આસપાસ પણ એવી અનેક મહિલાઓ છે, જેમના સમર્પણ, જુસ્સા અને અડગ નિશ્ચયે તેમને નવા મુકામ આપ્યા છે! એક સ્ત્રી ધારે તો શું ન કરી શકે? નિર્દોષ, નિષ્કામ ને નિરાભિમાની નજર વડે જોશો તો પુરુષ સમોવડી થયેલી અનેક સ્ત્રીઓના પ્રેરણાદાયી ઉદાહરણો તમને સાંપડશે. મોટી ઉંમરના ઉંબરાને પણ સહજતાથી ઠેંકીને સ્ત્રી પોતાના શોખને જીવંત કરતી હોય છે. અહીં અમે એવી જ પ્રેરક મહિલાઓની વાત માંડીશું જેઓએ ધીરજ અને આત્મવિશ્વાસની આંગળી પકડીને જીવનમાં નવેસરથી ડગ ભર્યાં છે. ન માત્ર પોતાના કે પોતાના પરિવાર માટે કિન્તુ સમાજના બળબળતાં પ્રશ્નો સામે ઝઝૂમવા માટે મીટ માંડી છે. બેચલરની ડિગ્રી હોય, બિઝનેસ હોય કે પછી હોય બોક્સિંગ! આ પ્રેરણાદાયી મહિલા તો સમાજની સૌ સ્ત્રી માટે અજવાળું બની છે. આજે આપણાં વન્ડર વુમન છે ચૌલા દોશી જે લગભગ છેલ્લા 20 વર્ષથી પેઇન્ટિંગ્સ, કવિતા અને વાઇલ્ડ લાઇફ ફોટોગ્રાફીના તેમના પૅશનને અડીખમ રીતે ઊભા રહીને પૂર્ણ કરી રહ્યા છે. એક વાઇલ્ડ લાઈફ ફોટોગ્રાફી કરતી વખતે આવતી મુસીબતો સાથે જંગલમાં જંગલી પ્રાણીઓ અને કુદરત સામે ઊભા રહીને પૂર્ણ કરી રહ્યા છે. ચૌલા દોશી કેવી રીતે પ્રકારે તેમની કલાને લોકો સુધી પહોંચાડે છે તે તેમણે ગુજરાતી મિડ-ડે ડૉટ કોમ સાથે શૅર કર્યું છે. તો ચાલો આજે જાણીએ ચૌલા દોશીની એડવેન્ચરસ જર્ની વિશે.
14 August, 2024 10:00 IST | Mumbai | Viren Chhaya
