અનંત-રાધિકાની પ્રી-વેડિંગ ઉજવવા રાની મુખરજી, ઉદ્ધવ ઠાકરે સહિતના મહેમાનો પધાર્યાં

Jamnagar Pre-Wedding: મુકેશ અંબાણી અને નીતા અંબાણીના પુત્ર અનંત અંબાણી તેમ જ રાધિકા મર્ચન્ટનાં લગ્ન પહેલા પ્રી-વેડિંગ ફંક્શનની જોરદાર શરૂઆત થઈ ગઈ છે. જામનગરમાં આ ફંક્શનની આજથી શરૂઆત થઈ ગઈ હોવાથી અનેક સેલેબ્રિટીઝ જામનગર પહોંચતા જોવા મળી રહ્યાં છે. સાથે જ રાજકીય નેતાઑ પણ આ ફંક્શનમાં આવી રહ્યા છે. મેટાના સીઈઓ માર્ક ઝકરબર્ગ હોય કે પછી શિવસેના (યુબિટી)ના નેતા ઉદ્ધવ ઠાકરે હોય જામનગરમાં જમાવડો થઈ રહ્યો છે. આજે સાંજે સાડાપાંચ વાગ્યે ‘ઍન ઈવનિંગ ઇન એવરલૅન્ડ’ થીમની પાર્ટીનું આયોજન કરવામાં આવનાર છે. જેમાં સૉફિસ્ટિકેટેડ કૉકટેલ અટાયર રાખવામાં આવ્યા છે. વળી આ પ્રી-વેડિંગ ઇવેન્ટમાં સૌ સેલિબ્રિટીઝને ટ્રેડિશનલ ઇન્ડિયન કલ્ચર આઉટફિટમાં જોવા મળવાના છે.