ગુફી પેન્ટલની વિદાય: પરિવાર અને મિત્રોએ આપી ભાવભીની શ્રદ્ધાંજલિ, જુઓ તસવીરો

યાદગાર ટીવી સિરિયલ મહાભારત (Mahabharat)માં `શકુની મામા` (Shakuni Mama)ની ભૂમિકા ભજવનાર અભિનેતા ગુફી પેન્ટલ (Gufi Paintal)નું સોમવારે એક ખાનગી હૉસ્પિટલમાં અવસાન થયું હતું, એમ તેમના ભત્રીજા હિતેન પેન્ટલે જણાવ્યું હતું. તેઓ 79 વર્ષના હતા. પીઢ અભિનેતાનું સાચું નામ સરવજીત સિંહ પેન્ટલ હતું. તબિયત લથડતા તેમને અંધેરીની હૉસ્પિટલમાં દાખલ કરવામાં આવ્યા હતા. ગુફી પેન્ટલના અંતિમ સંસ્કાર મુંબઈમાં અંધેરીના ઓશવીરા સ્મશાનગૃહમાં સાંજે 4:30 વાગ્યે કરવામાં આવ્યા હતા. "અંતિમ સંસ્કાર તેમના પુત્ર હેરી દ્વારા કરવામાં આવ્યા હતા. અમારી સાથે સ્મશાનગૃહમાં પંકજ ધીર અને સુરેન્દ્ર પાલ સહિતના પરિવાર અને ઇન્ડસ્ટ્રીના મિત્રો પણ હતા.” તેમ હિતેને જણાવ્યું હતું.