હૅપી મધર્સ ડે : મધર્સ ડે નિમિત્તે સેલિબ્રિટીઝે મમ્મી પ્રત્યે આભાર વ્યક્ત કર્યો

સેલિબ્રિટીઝે મમ્મી સાથેનો ફોટો શૅર કરીને મધર્સ ડે નિમિત્તે તેના પ્રતિ પ્રેમ અને આભાર વ્યક્ત કર્યો હતો. ગઈ કાલે વિશ્વભરમાં મધર્સ ડે સેલિબ્રેટ કરવામાં આવ્યો હતો. એ દિવસે સૌએ અનોખા અંદાજમાં મમ્મી પર પ્રેમ વરસાવીને તેમને શુભેચ્છા આપી હતી. તાજેતરમાં જ રણબીર કપૂરની દુલ્હનિયા બનેલી આલિયા ભટ્ટે તેની મમ્મી સોની રાઝદાન અને સાસુ નીતુ કપૂરનો ફોટો શૅર કર્યો હતો. તો જાહ્નવી કપૂરે તેની મમ્મી શ્રીદેવીને યાદ કરી હતી. બીજી તરફ સંજય દત્તે પણ તેમના પિતા સુનીલ દત્ત અને મમ્મી નર્ગિસ દત્તનો ફોટો શૅર કરીને આભાર માન્યો હતો. ચાલો જાણીએ કોણે મમ્મી માટે શું શુભેચ્છા આપી છે.