જ્યાફત: 47 વર્ષ જૂના ‘પ્રેમચંદ નાસ્તા હાઉસ’ના દહીં સમોસાનો સ્વાદ આજે પણ છે અકબંધ

તમે ક્યારેક વિચાર્યું છે કે એક નાનકડા સમોસામાં કેટલા બધા સ્વાદની દુનિયા છુપાયેલી હોય શકે છે? હથેળી માં સમાઈ જાય એવો ત્રિકોણીયો તેનો આકાર, ઉપરથી ફરસી પુરી જેવું કરકરું તેનું બહારી આવરણ, અને અંદર પીળાશ પડતા મસાલાના રંગ વાળું બટાકા-વટાણાનું તાજી કોથમીરથી ભરપૂર મસાલેદાર પુરણ, જયારે કોન-શેપના સમોસામાં ભરાય અને ગરમ ગરમ સીંગતેલમાં તળાય… એ દ્રશ્ય જોવાની મજાજ કંઈક અલગ હોય છે. જેમ જેમ સમોસા તળાતાં જાય અને એની સુગંધ ચારેતરફ ફેલાઈ એટલે મણિનગર રેલ્વે ક્રોસિંગ નજીક, રોડ પર આવેલી પ્રેમચંદ નાસ્તા હાઉસની દુકાનની આજુબાજુ ઉભેલા મારા જેવા કેટલાય લોકો સુગંધથી મોહિત થઈ લલચાઈને નાસ્તો કરવા માટે દોડી આવે. ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કોલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મીડિયા સ્ટ્રેટેજિસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો : પૂજા સાંગાણી)