બોરીવલીમાં યોજાયેલી 2 લાખ જૈન શ્રાવકોની રૅલીનો પડઘો ગોપાલ શેટ્ટી સુધી પહોંચ્યો

ભાવનગર પાસે આવેલા શત્રુંજય તીર્થ (Shatrunjay Tirth) અને ઝારખંડના સમેતશિખરજી તીર્થ (Sammed Shikharji Tirth)ની રક્ષા માટે જૈન સમાજે ગઈકાલે મહારૅલીનું આયોજન કર્યું હતું. મુંબઈમાં ‘મુંબઈ જૈન મહાસંઘ સંગઠન’ દ્વારા શહેરમાં ૬ જગ્યાએ મહારૅલી કાઢવામાં આવી હતી. શત્રુંજય તીર્થમાં થતાં ગેરકાયદે ખાણકામ, ગેરકાયદે અતિક્રમણ, ગેરકાયદે ચાલતી દારૂની ભઠ્ઠી જેવા અનેક મુદ્દે સહિત સમેતશિખરજી તીર્થને ઇકોટુરિસ્ટ સ્થળ જાહેર કરવાના ઝારખંડ સરકારના નિર્ણયના વિરોધમાં આ મહારૅલી કાઢવામાં આવી હતી.