"અમદાવાદની પ્રસિદ્ધ `Gwalia SBR` રેસ્ટોરન્ટમાં સુંદર અને પોષણયુક્ત બ્લુબેરીને કેન્દ્રમાં રાખીને, `Gwalia` બ્રાન્ડના સંચાલક જય શર્મા અને `USA Blueberry` કોન્સ્યુલેટના સહયોગથી 7 એપ્રિલે પ્રથમ વખત બ્લુબેરી ફેસ્ટિવલનું આયોજન કરવામાં આવ્યું હતું. આ ફેસ્ટિવલમાં 25થી વધુ અનોખી મીઠાઈઓ અને નમકીન વાનગીઓ લૉન્ચ કરવામાં આવી, જેમ કે બ્લુબેરી ટસ્કીન, મિસ્ટી બ્લુબેરી બ્લોસમ, બ્લુબેરી ડિલાઈટ, બ્લુબેરી પૉપ, બ્લુબેરી કાજુકતરી, બ્લુબેરી રબડી, બ્લુબેરી સંદેશ, બ્લુબેરી ફેન્ટેસી, બ્લુબેરી દહીં વડાં, બ્લુ બેરી સ્મુઘી, બ્લુબેરી આઈસ ટી વગેરે. દરેક વાનગીએ મને એક નવી દિશા અને સ્વાદનો અનુભવ કરાવ્યો. મને આ ઇવેન્ટમાં બ્લુબેરી સ્વીટ્સ લૉન્ચ કરવાની સાથે વિશેષ રેસિપીઝનો અનુભવ કરવાની અનોખી તક મળી હતી. આ લેખમાં, હું પેસ્ટ્રી શેફ મોનિલા સુરાણાની બ્લુબેરી રેસિપીઝના સ્વાદ અને સ્વાસ્થ્યના અનોખા સંયોજન વિશે વાત કરીશ, તેમજ આ ઇવેન્ટની માહિતી પણ શૅર કરીશ."
ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કોલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મીડિયા સ્ટ્રેટેજિસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો : પૂજા સાંગાણી)
18 April, 2025 05:37 IST | Ahmedabad | Gujarati Mid-day Online Correspondent
