Kutch:1 વર્ષમાં ભુજના ભૂકંપ મ્યૂઝિયમ `સ્મૃતિવન`ની મુલાકાત લીધી 5 લાખથી વધુ લોકોએ

ભુજમાં સ્થિત ‘સ્મૃતિ વન’ મ્યુઝિયમ જે ભારતનું એક એવું મ્યુઝિયમ છે જેનું ક્ષેત્રફળ સૌથી મોટું છે. અહીં એશિયાનું સૌથી મોટું સિમ્યુલેટર છે જ્યાં ભૂકંપનો અનુભવ કરાવવામાં આવે છે. તાજેતરમાં જ આ મ્યુઝિયમના સ્ટ્રક્ચર માટે લંડન તરફથી એવૉર્ડ આપવામાં આવ્યો હતો. અમદાવાદના જાણીતાં વાસ્તુ શિલ્પીએ આ મ્યુઝિયમની ડિઝાઇન તૈયાર કરી હતી. આજે આ ‘સ્મૃતિ વન’ને એક વર્ષ પૂર્ણ થઈ રહ્યું છે ત્યારે આજ સુધી 5,25000 જેટલા લોકોએ મુલાકાત લીધી છે. સ્મૃતિ વનના ડિરેક્ટર મનોજ પાંડેએ એક વર્ષમાં આ મ્યુઝિયમને મળેલા પ્રતિસાદ વિશે ગુજરાતી મિડ-ડે ડૉટ કૉમ સાથે રોચક વાતો શૅર કરી હતી.