હેરિટેજ સીટી અમદાવાદ શહેરમાં છોલે ભટુરે અને છોલે કુલ્ચે વેચતા નાના, મોટા સ્ટોલ્સ, લારીઓ અને ઘણી રેસ્ટોરન્ટમાં તેનો સ્વાદ માણવા મળી જાય છે. પરંતુ અમદાવાદમાં એવી ઓછી જ જગ્યાઓ હશે જ્યાં ‘દિલવાલોં કી દિલ્હી’ના પ્રખ્યાત સ્ટ્રીટ ફૂડ જેવાં અસલી સ્વાદ વાળા છોલે ભટુરા સાથે શુદ્ધ ઉત્તર ભારતીય વાનગીઓ એકસાથે મળી રહે. કારણકે કહેવાય છે કે `દરેક ચમકતી વસ્તુ સોનું નથી હોતી`, તે જ રીતે અમદાવાદમાં સંખ્યાબંધ જગ્યાએ મળતા દિલ્હીના છોલે ભટૂરે, દિલ્હી જેવા સ્વાદવાળા બિલકુલ નથી હોતા. દિલ્હીના છોલેમાં ભેળવવામાં આવતા ખાસ ખડા મસાલાની ખાસિયત અલગ જ હોય છે.
ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કોલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મીડિયા સ્ટ્રેટેજિસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો : પૂજા સાંગાણી)
01 March, 2025 07:25 IST | Ahmedabad | Gujarati Mid-day Online Correspondent
