Celeb Health Talk: આજે વાંચો સુધાંશુ પાંડે વિશે,કેવી રીતે રાખે છે તેઓ પોતાને ફિટ

પહેલું સુખ તે જાતે નર્યા - સ્વાસ્થ્યની અગત્યતા સમજવામાં હવે આપણે પાછા નથી પડતા. આપણે આપણા સ્વાસ્થ્યને બહેતર બનાવવા માટે કંઇને કંઇ કરતા રહેતા હોઇએ છીએ, ક્યારેક એક ડાયેટ તો ક્યારેક કોઇ ચોક્કસ પ્રકારની એક્સર્સાઇઝ. સેલિબ્રિટીઝ શું કરે છે તે જાણવાની પણ આપણને તાલાવેલી હોય તે સ્વાભાવિક છે કારણકે તેમને માટે પરફેક્ટ દેખાવું તેમના વ્યવસાયનો જ એક ભાગ છે. પરંતુ લાંબા કલાકો ચાલતું શૂટિંગ, જરૂર પડ્યે ઘરથી બહાર રહીને કરવું પડતું કામ, ઊંઘમાં અનિયમિતતા જેવું કેટ કેટલુંય હોવા છતાં સેલિબ્રિટીઝ હંમેશા `અફલાતુન` જ દેખાય છે. એવું કઇ રીતે?   આ જ બાબતને ધ્યાનમાં રાખીને ગુજરાતી મિડ ડે ડૉટ કૉમે સેલિબ્રિટીઝ સાથે હેલ્થ ટૉક કરવાનો નિર્ણય કર્યો. કેટલાક FAQs એટલે કે ફ્રિક્વન્ટલી આસ્ક્ડ ક્વેશ્ચન્સ - અમે સેલિબ્રિટીઝ સાથે શૅર કર્યા અને તેમણે આપ્યા તેના પ્રતિભાવ. જાણો તેમનું ફિટનેસ રૂટિન, તેમની ખોરાકની આદતો અને ગમા-અણગમા સાથે કઇ રીતે રહે છે હંમેશા ચુસ્ત-દુરુસ્ત.આજે મળો સેલેબ હેલ્થ ટૉકના પહેલા સ્ટાર સુધાંશુ પાંડેને. સુધાંશું પાંડેનો જન્મ ઉત્તર પ્રદેશના લખનઉમાં 22 ઑગસ્ટ 1974ના રોજ થયો. હાલ સુધાંશુ પાંડે લોકપ્રિય ધારાવાહિક અનુપમાઁમાં વનરાજ શાહનું પાત્ર ભજવી રહ્યા છે. સુધાંશુ પાંડે માત્ર સારા અભિનેતા જ નહીં પણ તેની સાથે એક સારા ગાયક અને મૉડલ પણ છે. તેઓ ઘણીવાર ઇન્સ્ટાગ્રામ પર પોતાના વીડિયોઝ શૅર કરતા રહે છે. આ બધા ગુણની સાથે જ સુધાંશુ ફિટનેસ ફ્રીક પણ છે તેમને ખોરાક પણ સાદો જ ભાવે છે તેઓ શુદ્ધ શાકાહારી છે.