અભિનેતા ગોવિંદાએ ભૂલમાં મંગળવારે સવારે લગભગ 4.45 વાગ્યે પોતાની લાયસન્સવાળી રિવોલ્વરથી પગમાં ગોળી મારી દીધી હતી. મુંબઈ પોલીસના એક અધિકારીના જણાવ્યા અનુસાર, અભિનેતા અને શિવસેના નેતાએ ભૂલથી પોતાની રિવોલ્વરથી પોતાને ગોળી મારી દીધી હતી. તેને તાત્કાલિક હોસ્પિટલ લઈ જવામાં આવ્યો. અહેવાલ મુજબ, જ્યારે અકસ્માત થયો ત્યારે ગોવિંદા બહાર જતા પહેલા તેની રિવોલ્વર તપાસી રહ્યો હતો. ગોવિંદાના મેનેજર શશિ સિન્હાએ ફોન પર ANIને જણાવ્યું કે, "ગોવિંદા કોલકાતા જવાની તૈયારી કરી રહ્યો હતો અને તેની લાયસન્સવાળી રિવોલ્વર પાછી અલમારીમાં મૂકી રહ્યો હતો, ત્યારે તે તેના હાથમાંથી સરકી ગઈ અને બંદૂક નીકળી ગઈ, તેના પગમાં ગોળી વાગી. ડૉક્ટરે તેને કાઢી નાખ્યું. ગોળી વાગી છે અને તે હજુ પણ હોસ્પિટલમાં છે.
01 October, 2024 08:30 IST | Mumbai | Gujarati Mid-day Online Correspondent
