જયારે સૌરાષ્ટ્રનાં રંગીલા રાજકોટીની વાત આવે ત્યારે સ્પેશ્યલ મરી મસાલા યુક્ત હિંગથી ભરપૂર વણેલા ગાંઠિયા સાથે તીખો પપૈયાનો સંભારો અને તળેલા મરચાં, ગોરધનભાઈની બટાકાની કાતરી સાથે છુંદો, ચેવડો અને લીલી ચટણી, રાજકોટના સ્પેશ્યિલ માવાના પેંડા અને મસ્ત મજાની ખાજલી તો વળી કેમ ભુલાય. રાજકોટ રેલવે સ્ટેશનની નજીકના વિસ્તાર ખાણીપીણીની દૃષ્ટિએ ઘણો સમૃદ્ધ છે જ્યાં અનેક પ્રકારની ગુજરાતી, પંજાબી વાનગીઓ પીરસતા ભોજનાલય ધમધમી રહ્યા છે. એમાં પણ જયારે સૌરાષ્ટ્રના અલગ-અલગ ગામે ફરીને આવતા ગુજરાતીઓ રાજકોટ આવે છે, ત્યારે ઘર જેવા ભોજનની ઝંખના કરતાં હોય છે.
ગુજરાતમાં રેસ્ટોરન્ટ્સ અને સ્ટ્રીટ ફુડ વિશે લખનારાઓમાં પૂજા સાંગાણીનું નામ જાણીતું છે. મિડ-ડે અખબારમાં લગલગાટ બે વર્ષ સુધી ખાઇ પીને મોજ નામની કોલમથી તેઓએ ગુજરાતી ફુડને સ્વાદ રસિયાઓ સમક્ષ રજૂ કર્યું ત્યારે હવે તેઓ ડિજિટલી સ્વાદની "જ્યાફત" આપણી સાથે શૅર કરશે. ફૂડી પૂજા ગાંધીનગરમાં જન્મ્યાં અને વડોદરામાં ઉછર્યાં. અંગ્રેજી સાહિત્યમાં માર્સ્ટર્સ કરનારા પૂજા ગુજરાતી અને અંગ્રેજી બંન્ને ભાષામાં કોન્ટેન્ટ રાઇટિંગ કરતાં આવ્યા છે. તે ફૂડ રાઇટર જ નહીં પણ ફૂડ બ્લોગર પણ છે અને સોશ્યલ મીડિયા સ્ટ્રેટેજિસ્ટ તરીકે પણ કામ કરે છે. ફૂડ બ્લોગર, ફૂડ લેખિકા અને સોશિયલ મિડીયા સ્ટ્રેટેજીસ્ટ તરીકે પોતાના અનુભવનો લોકોને લાભ આપે છે. તેઓ સોશ્યલ મીડિયા પર પણ પોતાના લખાણો મુકે છે તથા તેમના કામને પગલે બે એવોર્ડ પણ તેઓ મેળવી ચૂક્યાં છે. નવા રેસ્ટરન્ટ્સ ખૂલે કે કોઇ નવો ફૂડ ટ્રેન્ડ હોય તે અચૂક ત્યાં પહોંચે અને સ્વાદ રસિકોને માર્ગદર્શન પણ આપતા રહે છે. ચાલો માણીએ જ્યાફત. (તસવીરો – પૂજા સાંગાણી)
13 October, 2023 07:04 IST | Mumbai | Gujarati Mid-day Online Correspondent
