`કસ્તુરબા`નું પાત્ર મારી ઓળખાણ બની ગયું છે: અભિનેત્રી કલ્પના ગાગડેકર

બેરિસ્ટર મોહનદાસ કરમચંદ ગાંધી બ્રિટિશ શાસન સામે સ્વાતંત્ર્ય સંગ્રામ લડતા મહાત્મા ગાંધી બન્યા. મહાન બન્યા, દેશવાસીઓ માટે ભગવાન બન્યા. રાષ્ટ્રપિતા કહેવાયા, શાંતિ અને આઝાદીના દૂત બન્યા, પણ શું તેમણે આ બધું પોતાના દમ પર હાંસલ કર્યું કે વર્ષો સુધી મજબૂત આધાર બનીને કોઈ તેમની સાથે ઊભું રહ્યું? આનો જવાબ છે કસ્તુર બા. આજે કસ્તુરબાની જન્મજયંતિ છે. સ્ટેજ અને સ્ક્રીનના માધ્યમથી લોકો કસ્તુરબાની વધુ નજીક ગયા. સિનેમા અને નાટકોમાં અનેક અભિનત્રીઓ દ્વારા કસ્તુરબાનું પાત્ર ભજવવામાં આવ્યું અને દર્શકો કસ્તુરબાને નિકટતાથી ઓળખી શક્યા,તેમાંના એક ગુજરાતી અભિનેત્રી છે કલ્પના ગાગડેકર. આજે કસ્તુરબાની જન્મજયંતિ (Kasturba Gandhi Jayanti) નિમિત્તે જાણીએ કે કલ્પના ગાગડેકરના જીવનમાં કેવી રીતે ઉતર્યુ આ પાત્ર.