International Women`s Day: જ્યારે ક્રાઇમ રિપૉર્ટર બન્યાં સ્ટેન્ડઅપ કૉમેડિયન

તાજેતરમાં રિલીઝ થયેલી ફિલ્મ ગંગુબાઇ કાઠિયાવાડીમાં એક સંવાદ છે, "અરે, જબ શક્તિ, સંપત્તિ ઔર સદબુદ્ધી, તીનોં હી ઔૈરતેં હૈં તો ઇન મર્દોં કો કિસ બાત કા ગુરુર?" અહીં આપણે સંવાદના પહેલા ભાગ પર ધ્યાન આપીને તેને વિસ્તારીએ તો વાસ્તવિકતા એ છે કે કરુણા, ઊર્જા, હિંમત જેવા શબ્દો પણ સ્ત્રીલિંગ જ છે. આંતરરાષ્ટ્રીય મહિલા દિવસ જે મહિનામાં ઉજવાય છે તે મહિનો શરૂ થઇ ગયો છે અને માટે જ ગુજરાતી મિડ ડે ડૉટ કૉમે એવી મહિલાઓ સાથે વાત કરવાનું નક્કી કર્યું જેમણે પોતાની આવડતથી એક નવો ચિલો ચાતર્યો છે. મહિલા દિવસ આવે ત્યાં સુધીમાં આપણે રોજ એક નવી મહિલા સાથે વાત કરીશું. આજે વાત કરીએ એ મહિલા સાથે જેમણે જીવનમાં અનેક કરુણ ઘટનાઓનાં સાક્ષી બન્યાં પછી પણ હાસ્યરસમાં લોકો સામે રજૂ કરી,  એટલું જ નહીં એમ કરતાં સામાન્ય જનતા તે કરુણતાના હાસ્ય ચાબખાં પણ ચખાડ્યાં. કોઇપણ હિંસા કર્યા વગર એમણે હાસ્ય વેરતાં સ્ટેન્ડઅપ કૉમેડી દ્વારા લોકો સામે 2008 સુનામી, ડૉમેસ્ટિક વાઇલન્સ, મહિલાઓ પ્રત્યેના અનેક પ્રકારના ટેબુઓ તોડી તેને વિષય વસ્તુ બનાવ્યા. આ બધું જ કરનાર અન્ય કોઈ નહીં પણ ગુજરાતી ન હોવા છતાં સવાયા ગુજરાતી એવા અમદાવાદના પ્રીતિ દાસની. જાણો તેમના વિશે વધુ....