આ ફોટોમાં મહિલા અવકાશયાત્રીને દુલ્હનની જેમ શણગારવામાં આવી છે
જ્યારે ઍસ્ટ્રોનોટ બની દુલ્હન
આર્ટિફિશ્યલ ઇન્ટેલિજન્સ (એઆઇ)નો ટ્રેન્ડ સોશ્યલ મીડિયા પર પણ છવાયો છે તેમ જ એ એક વાઇરલ ક્રેઝ બની ગયો છે. અનેક કલાકારોએ આમાં હાથ અજમાવ્યો છે. આવા જ એક કલાકાર જયેશ સચદેવે કેટલાક એઆઇ જનરેટેડ વિઝ્યુઅલ શૅર કર્યા છે, જેમાં અવકાશયાત્રીઓ લગ્નના પોશાકમાં જોઈ શકાતા હતા. જયેશ સચદેવે આ તસવીરો તેમના ઇન્સ્ટાગ્રામના અંગત પેજ પર તેમ જ તેમની ડિઝાઇન એજન્સી કિવર્ક બૉક્સના પેજ પર શૅર કરી હતી. આ ફોટોમાં મહિલા અવકાશયાત્રીને દુલ્હનની જેમ શણગારવામાં આવી છે, એઆઇની મદદથી મૉડલ્સને ફૂલો અને ઘરેણાંથી શણગારવામાં આવી છે. મૉડલે બીજા હાથમાં ગર્વથી હેલ્મેટ પહેરેલી જોઈ શકાય છે. આ ફોટોને કૅપ્શન આપવામાં આવી હતી, અવકાશયાત્રી બ્રાઇડલ કુટ્યુઅર વીક. જેનો અર્થ છે - એક ફૅશન ટ્રેન્ડ તેમના માટે, જેઓ આ વિશ્વની બહાર છે. આ ફોટોને ૧૫,૦૦૦ કરતાં વધુ લાઇક્સ અને ૩ કરોડ વ્યુઝ મળ્યાં છે.
