કૅલિફૉર્નિયાની નજીક ઊંચા પહાડની ટેકરી પર આવેલા ગુલાબી રંગના આ મૅન્શનમાં ત્રણ બાથરૂમ અને ત્રણ બેડરૂમ છે.
રિયલ લાઇફ બાર્બી ડ્રીમહાઉસ ૩૧.૪૮ કરોડ રૂપિયામાં વેચાવા મુકાયું
સ્વર્ગસ્થ અભિનેત્રી ઝસા ઝસા ગેબોરનું ગુલાબી રંગનું મૅન્શન ૩૮ લાખ ડૉલર (લગભગ ૩૧.૪૮ કરોડ રૂપિયા)માં વેચાવા મુકાયું છે, જે ખરા અર્થમાં બાર્બી ડ્રીમહાઉસ છે. સમગ્ર શહેર અને આસપાસનાં મનોહર દૃશ્યોનો વ્યુ આપતા કૅલિફૉર્નિયાની નજીક ઊંચા પહાડની ટેકરી પર આવેલા ગુલાબી રંગના આ મૅન્શનમાં ત્રણ બાથરૂમ અને ત્રણ બેડરૂમ છે. ૩૪૪૧ ચોરસ ફુટમાં ફેલાયેલું આ મૅન્શન બબલગમ ગુલાબી રંગનું છે અને એના મોઝેઇક ટાઇલ્સ ધરાવતા વરંડામાં પૂલ જોઈ શકાય છે, જેની આસપાસ હાથથી કોતરેલા દરવાજા અને મૅચિંગ ખુરસીઓ સાથે પથ્થરની ડેક છે. એ ઉપરાંત આ મૅન્શનમાં પેશિયો ફાયર પિટ અને ‘ડેઝર્ટ લૅન્ડસ્કેપિંગ’ પણ છે. ગુલાબી રંગના આ મૅન્શનનું પ્રવેશદ્વાર તેમ જ ઝુમ્મર પણ ગુલાબી રંગનું છે. સંપૂર્ણ લિવિંગરૂમ અને ડાઇનિંગ રૂમ નાજુક ઝુમ્મર અને અરીસાવાળી દીવાલો તથા ભવ્ય પિયાનોથી સજ્જ છે.
ADVERTISEMENT
અહીંથી આગળ વધતાં કિચન આવે છે, જેમાં વાઇન ફ્રિજ અને વૉર્મિંગ ડ્રૉઅર પણ સામેલ છે. ત્રણમાંથી એક બેડરૂમના બાથરૂમની દીવાલો પીળા રંગના મોરના વૉલપેપરથી સુશોભિત છે. ઑફિસ, હૉટ પિન્ક ડ્રેસિંગરૂમ, મેકઅપરૂમ અને બાથરૂમ સહિતની બે વૅનિટી ધરાવતો મુખ્ય બેડરૂમ પોતાની રીતે જ અલગ તરી આવે છે.
