લીના નામનાં આ બહેન એકસાથે સાત પુરુષોને ડેટ કરે છે અને આ સાતેસાત રિટાયર્ડ પેન્શનર છે
લીના
આજકાલ યંગ છોકરીઓને વયોવૃદ્ધ પુરુષો સાથે પ્રેમ થઈ ગયો હોવાના સમાચાર બહુ ચમકે છે. એવામાં કોલમ્બિયાની એક યુવતીએ તો એનીયે હદ પાર કરી દીધી છે. લીના નામનાં આ બહેન એકસાથે સાત પુરુષોને ડેટ કરે છે અને આ સાતેસાત રિટાયર્ડ પેન્શનર છે. જેમને પણ લીનાના પ્રેમપ્રકરણની ખબર પડે છે તેઓ કહેતા ફરે છે કે આ છોકરીએ સાતેય પેન્શનરોના પૈસા માટે તેમની સાથે લફરું ચલાવ્યું છે. જોકે લીનાબહેનનું કંઈક અલગ જ કહેવું છે. તેમનું કહેવું છે કે ‘મારા હમઉમ્ર યુવકો સાથેની રોમૅન્ટિક રિલેશનશિપ્સમાં મને સતત નિરાશા જ મળી છે એટલે મને લાગે છે કે ઇમોશનલ અને ફાઇનૅન્શિયલ સ્ટેબિલિટી માટે રિટાયર વ્યક્તિ જ યોગ્ય છે.’
લીના દુખી હતી ત્યારે પાડોશમાં રહેતા વડીલે તેની સાથે ફ્લર્ટ કર્યું એ તેને બહુ ગમ્યું. એટલે તેણે એવા ગાર્ડનમાં ફરવાનું ચાલુ કર્યું જ્યાં એકલાઅટૂલા વડીલો કંટાળીને ટાઇમપાસ કરતા હોય. બસ, એ જગ્યાએથી જ લીનાને પસંદ કરનારા અને પ્રેમ કરનારા વડીલો મળતા ગયા. નવાઈની વાત એ છે કે હવે તેને સાત બૉયફ્રેન્ડ્સ છે અને બધા જ બૉયફ્રેન્ડને ખબર છે કે હું તમામ સાથે રિલેશનમાં છું. આ સાતેય પુરુષો લીનાનો ખર્ચ ઉઠાવે છે, તેને ઘરકામમાં મદદ કરે છે.
